Халықаралық зерттеулер

«ПЕДАГОГИКАЛЫҚ ИДЕЯЛАР ПАНОРАМАСЫ» РЕСПУБЛИКАЛЫҚ БАЙҚАУЫНЫҢ АЙМАҚТЫҚ КЕЗЕҢІ.

«Өрлеу» БАҰО» АҚ филиалы Жамбыл облысы бойынша ПҚ БАИ бірыңғай ақпараттық-білім кеңістігінде заманауи педагогикалық тәжірибені жинақтау және насихаттау, педагогтердің ақпараттық-коммуникациялық және технологиялық құзыреттіліктерін арттыру мақсатында ұйымдастырылып отырған бейне-сабақтар мен бейне-дәрістердің жыл сайынғы «Педагогикалық идеялар панорамасы» Республикалық конкурсының Аймақтық кезеңін ұйымдастырып отыр.

Байқауға қатысуға мектепке дейінгі, орта, қосымша, техникалық және кәсіптік, жоғары білім ұйымдарының педагог қызметкерлері шақырылады.

Байқау 22 аталым бойынша өтеді, І, ІІ, ІІІ орынды иеленген ең үздік жұмыстар сертификаттармен марапатталады және Байқаудың Республикалық кезеңіне ұсынылады.

Ұйымдастыру мен өткізуді реттейтін Байқау Ережесімен мына сілтеме бойынша танысуға болады: orleu-taraz.kz. Байқауға қатысты сұрақтар бойынша Тараз қ-сы, Төле би даңғылы 69А, тел: 8(7262)546181 мекенжайында орналасқан «Өрлеу» БАҰО» АҚ филиалы Жамбыл облысы бойынша ПҚ БАИ-ға хабарласыңыздар.

«ХХІ ғасырдың мамандықтары»

Жамбыл облысы әкімдігі білім басқармасының оқу-әдістемелік кабинеті кәсіптік бағдар беру жұмыстарын жүзеге асыру мақсатында 2018 жылдың 6 маусым күні 10 сынып оқушылары арасында «ХХІ ғасырдың мамандықтары» атты мультимедиялық фестиваль өткізді.

Фестиваль оқушылардың өмірдегі кәсіби орнын анықтау арқылы мамандығын таңдауына бағыт-бағдар беру, шығармашыл дарынды оқушыларды айқындау мақсатында ұйымдастырылды.
Фестиваль қорытындысы бойынша Жуалы ауданы Б.Майлин атындағы орта мектебінің оқушысы А. Бихан І дәрежелі, Тараз қаласы № 48 орта мектебінің оқушысы Б. Тұрмаханов ІІ дәрежелі, Т. Рысқұлов ауданы Жамбыл атындағы шағын орталықты орта мектебінің оқушысы А. Әбдібай және Тараз қаласы № 30 мектеп - гимназиясының оқушысы А. Қосыбаева ІІІ дәрежелі дипломдармен марапатталды. Тараз қаласы №5 мектеп - гимназиясының оқушысы А. Сұлтанов, Сарысу ауданы Абай атындағы орта мектебінің оқушысы А. Ажимуханова, Әйтеке би атындағы орта мектебінің Н. Сайлаубай «Үздік презентация» номинацияларын иеленді.

«Үздік педагог» атағын беру конкурсының ІІ кезеңі өтті

Жамбыл облысы әкімдігі білім басқармасының ұймдастыруымен педагогтар мәртебесін көтеру және оны қалың жұртшылық арасында насихаттау мақсатында «Үздік педагог» атағын беру конкурсының ІІ кезеңі ағымдағы жылдың 7, 8 маусым күндері өткізілді. Екі кезеңнен өткен педагогтардың жұмыстары 21 маусымға дейін виртуалды дауыс беру үшін білім басқармасының сайтына орналастырылады.

«Үздік педагог» атағын беру конкурсының І кезеңіне облыс бойынша аудандық(қалалық) білім бөлімдері мен облыстық білім басқармасына қарасты білім мекемелерінен 162 педагог, кәсіптік және техникалық колледждерінен 32 оқытушы қатысты. Ал конкурстын ІІ кезеңіне аудандық(қалалық) білім бөлімдері мен облыстық білім басқармасына қарасты білім мекемелерінен 18 педагог, кәсіптік және техникалық колледждерінен 5 педагог өтінім беріп, конкурсқа қатысушылардың құжаттары Қазақстан Республикасы Білім және ғылым министрлігінің бұйрығына сәйкес қабылданды.
Конкурстың іріктеу кезеңінде қатысушылар өз пәндері бойынша тест тапсырмаларын орындады.

Толығырақ: Үздік педагог - 2018

«ЕҢ ҮЗДІК БАЛАБАҚША МЕҢГЕРУШІСІ» АНЫҚТАЛДЫ

Ағымдағы жылы 8 маусымда облыстық білім басқармасы оқу-әдістемелік кабинетінің «Мектепке дейінгі мекемелер, мектепалды даярлық» және «Өзін-өзі тану» пәні бөлімінің ұйымдастыруыменТараз қаласы №39 «Балдәурен» балабақшасының базасында балабақша меңгерушілеріне арналған «Ең үздік балабақша меңгерушісі» атты байқау өтті.

Іс-шара мектепке дейінгі мекемелерде меңгерушілердің кәсіби деңгейін арттыру және де жаңашыл технологияларды тиімді қолдану мақсатында ұйымдастырылды.
Байқау барысында меңгерушілер сайыс кезеңдері бойынша өз өнерлерін ортаға салды. Үміткерлер өздерін таныстыра отырып, мектепке дейінгі ұйымдарда өздері қолданатын инновациялық технологиялардың тиімділігін көрсетті. Байқаудың қорытынды бөлімінде үздік деп танылған жеңімпаздар арнайы дипломдармен марапатталды.