Физика, математика пәндері мұғалімдерінің облыстық шығармашылық байқауы өтті

2024 жылдың 21 ақпан күні Жамбыл облысы әкімдігінің білім басқармасының оқу-әдістемелік орталығы «Қазақстан математика пәні мұғалімдері қауымдастығы» РҚБ-мен бірлесе отырып, педагогтердің кәсіби шеберлігінің өсуіне ықпал ету мақсатында физика, математика пәндері мұғалімдерінің арасында облыстық шығармашылық байқау өткізді.
Жалпы олимпиадалық жоғары деңгейдегі 5 тапсырмадан берілді.
Көкжиекке бұрыш жасай лақтырылған дененің қозғалысы, статистика элементтері, молекулалы-кинетикалық теорияның негіздері, электр және магнетизм, Ньютонның екінші заңын қолдану арқылы дәлелдеуді қажет ететін тақырыптарға негізделіп берілген тапсырмалар және екі айнымалысы бар теңдеу, көпмүше, теңсіздікті дәлелдеу, көпбұрышқа сырттай сызылған шеңбердің радиусын табу, геометриялық және логикалық есептер қамтылды.
Байқауға облыстан барлығы 153 педагог қатысты

БАСТАУЫШ СЫНЫП МҰҒАЛІМДЕРІНЕ АРНАЛҒАН РЕСПУБЛИКАЛЫҚ «АЛТЫН ТҰҒЫР» МАТЕМАТИКАЛЫҚ ОЛИМПИАДАСЫНДА ОБЛЫСТЫҢ 3 ПЕДАГОГІ ЖҮЛДЕЛІ ОРЫНДАРДЫ ИЕЛЕНДІ

2024 жылғы 22-23 ақпан күндері Астана қаласында «Дарын» Республикалық ғылыми-практикалық орталығының ұйымдастыруымен бастауыш сынып мұғалімдері арасында «Алтын тұғыр» республикалық олимпиадасы өтті.
Олимпиаданың мақсаты – педагогтердің кәсіби құзыреттілігін арттыру, мұғалім тұлғасының шығармашылық әлеуетін дамыту.
Аталған олимпиадада Жамбыл облысының 3 педагогі жүлделі орындарды иеленсе, 5 педагогі арнайы грамоталармен марапатталды. Олар – Тараз қаласы №42 орта мектебінің мұғалімі И.Волженцева І орынды, Жамбыл ауданы В.Чкалов атындағы орта мектебінің мұғалімі З.Аширова мен Тараз қаласы №27 орта мектебінің мұғалімі А.Юсупова ІІІ орындарды иеленсе, арнайы грамоталармен Байзақ ауданы Сарыкемер мектеп-гимназиясының мұғалімі А.Аубакирова, Жамбыл ауданы Абай атындағы орта мектебінің мұғалімі М.Мурзакасымова, Тараз қаласы Төле би атындағы №8 гимназиясының мұғалімі С.Рахманбекова, Тараз қаласы №13 орта мектебінің мұғалімі Н.Арипова, Тараз қаласы Ш.Смаханұлы атындағы №44 орта мектебінің мұғалімі А.Амангелдиева марапатталды.
Ұстаздарды жеңістерімен құттықтаймыз!

«Бастауыш сынып оқушылардың шығармашылық іс-әрекетін қалыптастыру жолдары» тақырыбында бастауыш сынып мұғалімдеріне арналған онлайн вебинары өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен «Менторлар мектебі» жобасы аясында ағымдағы жылдың 23 ақпан күні бастауыш сынып мұғалімдеріне арналған «Іс-әрекеттегі зерттеу - білімді жетілдіруге бағытталған тәсіл» тақырыбында онлайн режимінде вебинар өткізілді.
Іс-шара барысында бастауыш сынып мұғалімдері практик маманның зерттеу аясы, мәселені шешуде өзіндік көзқарасы мен кәсіби білімді тереңдетіп, дағдыларды жетілдіру, сонымен қатар жұмыс барысында өзгеріс енгізуге бағытталған әрекеттер бойынша тәжірибе алмасты. Аталған іс-шараға аудандық (қалалық) білім бөлімдерінің әдіскерлері мен бастауыш сынып мұғалімдері, барлығы 567 педагог қатысты.

«Мектеп кітапханасында оқу сауаттылығын дамытудың тиімді әдістері» тақырыбында облыстық вебинар өтті

Жамбыл облысы әкімдігі білім басқармасының облыстық оқу-әдістемелік орталығының ұйымдастыруымен 2024 жылдың 23 ақпан күні білім беру ұйымдарының кітапхана қызметкерлеріне арналған «Мектеп кітапханасында оқу сауаттылығын дамытудың тиімді әдістері» тақырыбында облыстық семинар өтті.
Аталған ісшара мектеп кітапханасында оқу сауаттылығын дамытудың тиімді әдістері бойынша кітапхана қызметкерлеріне әдістемелік көмек көрсету мақсатында өткізілді.
Іс-шара барысында кітапхана қызметкерлеріне дауыстап оқу, әдебиеттерді өз бетінше таңдауға ынталандыру, интерактивті технологияларды пайдалану және әдеби іс-шараларды өткізу көркем әдебиеттерді насихаттау мен кітапхана жұмысында оқу сауаттылығын дамытудың тиімді әдістері бойынша ақпараттық әдістемелік көмектер көрсетіліп, электронды таратпалы материалдармен қамтамасыз етілді.
Аталған іс-шараға аудандық, Тараз қалалық білім бөлімдерінің әдіскерлері мен 141 кітапхана қызметкерлері қатысты.