БАСТЫ БЕТ - Оқу-әдістемелік кабинет

БАСТЫ БЕТ

«Тәлімгерлік – мұғалімдердің кәсіби дамуының тиімді түрі ретінде» тақырыбында облыстық вебинар өтті

Жамбыл облысы әкімдігі білім басқармасының оқу-әдістемелік кабинеті 2022 жылдың 1 қараша күні облыстық бастауыш сынып мұғалімдеріне арналған «Тәлімгерлік – мұғалімдердің кәсіби дамуының тиімді түрі ретінде» тақырыбында онлайн режимінде вебинар өтті.
Аталған іс-шараға аудандық (қалалық) білім бөлімдерінің әдіскерлері мен бастауыш сынып мұғалімдерді, барлығы 578 педагог қызметкерлері қатысты.
Іс-шара бағдарламасына сәйкес вебинар қатысушылары тәлімгерліктің негізгі сипаттамасы, міндеттері мен ұстанымдары, мәселелерді шешу жолдары, құнды нәтижеге жеткізетін іс-әрекеттер бойынша тәжірибе алмасты.a

БІЛІМ БЕРУ ҰЙЫМДАРЫНЫҢ БАСШЫЛАРЫМЕН СЕМИНАР ӨТТІ

2022 жылдың 31 қазанында Жамбыл облысы әкімдігі білім басқармасының оқу-әдістемелік кабинетінің ұйымдастыруымен «Білім беру қызметінің өзін-өзі бағалауы – білім беру сапасын ішкі қамтамасыз ету факторы» атты облыстық семинар өтті. Семинарға білім басқармасының басшысы Б.Т. Жамангозов, басшының орынбасары А.О. Досыбаева, білім беру ұйымдарының басшылары, барлығы 316 адам қатысты.
Іс-шарада спикерлер – GL talimger білім беру консалтингінің CEO, әлеуметтік ғылымдар магистрі (Ex. MA), IVLP «Digital Education in the United States» бағдарламасының қатысушысы Л.К.Булебаева және GL talimger білім беру консалтингінің құрылтайшысы, техника ғылымдарының магистрі, 2012 жылдан бастап білім беру сапасын бағалаудың Еуразиялық қауымдастығының мүшесі, «Қазақ білім беру сарапшыларының лигасы» ҚҚ құрылтайшысы әдіскерлерге, мектепке дейінгі ұйымдар мен мектептердің басшыларына менторлық қолдау және консалтинг көрсетуші Г.К. Кусидинова мазмұнды баяндама жасады.
Семинар жұмысына қатысушы мектеп басшыларына білім беру ұйымдарын мемлекеттік аттестаттаудан өткізуде білім беру сапасын ішкі қамтамасыз ету, бағалау өлшемшарттары, білім беру қызметінің өзін-өзі бағалауы, оқыту нәтижелеріне бағытталған білім беру мазмұны, білім алушылардың дайындық деңгейі, оқыту нәтижесін бағалау, МЖМБС талаптарына сәйкес оқу пәндері бойынша ҮОЖ сәйкес білім беру қызметін жүзеге асыру, мектептердің өзін-өзі бағалауды өткізудің алгоритмі тақырыптары туралы айтылып, ақпараттық-әдістемелік көмек берілді.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2022 жылдың 26 қазан күні педагог-психологтардың шығармашылық зертханасы жобасы аясында «Мектеп жағдайында жеткіншектердің аутодеструктивті және патопсихологиялық факторларын анықтау және зерттеу жолдары» тақырыбында өтілген вебинарда Тараз қаласы физика-математика бағытындағы Назарбаев зияткерлік мектебінің тренер-психологтары Байтелиева Нұрбану Сейтқасымқызының, Магай Ирина Георгьевнаның, Балакина Наталья Валерьевнаның озық іс-тәжірибелері таратылды. Аталған іс-шараға 97 педагог қатысты.
Іс-шара мектептегі психологиялық қызметті жетілдіру бағыттары бойынша жүргізілетін жұмыстардың тиімді жолдарын қарастыру, озық идеялы тәжірибені тарату, әдістемелік көмек көрсету, өзара тәжірибе алмасу, жаңашыл бастамаларға қолдау көрсету мақсатында өткізілді.

«Тарих пәнінен оқу сауаттылығын дамытуға арналған тапсырмаларды әзірлеу ерекшеліктері» тақырыбында облыстық вебинар өтті

2022 жылдың 26 қазан күні облыстық оқу-әдістемелік кабинетінің ұйымдастыруымен Т.Рысқұлов, Сарысу, Талас аудандарының тарих пәні мұғалімдеріне пән бойынша оқу сауаттылығын дамытуға арналған тапсырмаларды әзірлеу ерекшеліктері, контекстік тапсырмалар мен олардың түрлері, педагогтердің кәсіби құзыреттіліктерін арттыру, әдістемелік көмек көрсету мақсатында облыстық вебинар өтті.
Іс-шараға барлығы 128 педагог қатысты.

    «Жас педагог – жарқын болашақ иесі» атты облыстық ашық диалогтік алаңы өтті

2022 жылдың 22 қазан күні облыстық оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің жас педагогтарына арналған «Жас педагог – жарқын болашақ иесі» тақырыбында облыстық ашық диалогтік алаңы өтті.
Іс-шараның мақсаты – жас педагогтардың білім беру жүйесін дамытуға кәсіби көзқарасын қалыптастыру және шығармашыл жастарды қолдау, әдістемелік көмек көрсету.
Еліміздің болашағы мектептегі жас педагогтардың жаңа инновациялық идеяларымен, құндылықтарымен, уәждерімен, перспективаларымен анықталады. Болашақ бүгін жас мұғалімдердің қызметі мен білімі арқылы туады. Заманауи жас маман - бұл батыл, кәсіби білікті, методикалар мен технологияларды меңгеруге дайын, жаңа білім алып, тәжірибе жинақтауға дайын мұғалім.
Іс-шараға Жамбыл ауданы, Б.Беспаев атындағы мектеп-гимназиясының орыс тілі мен әдебиеті пәнінің мұғалімі А.Қалмаханова, Байзақ ауданы, Ғ.Мұратбаев атындағы гимназиясының химия пәнінің мұғалімі М.Рахметқұлқызы, Тараз қаласы, Б.Момышұлы атындағы №45 гимназиясының тарих пәнінің мұғалімі Т.Лаубай, Жамбыл ауданы, Б.Момышұлы атындағы мектеп-гимназиясының физика пәнінің мұғалімі А.Жүніс, Мойынқұм ауданы, Жамбыл атындағы мектеп-гимназиясының музыка пәнінің мұғалімі Е.Дүзелбай қатысып, өздерінің іс-тәжірибелерімен бөлісті.
Облыстық ашық диалогтік алаң барысында «Педагог» кәсіби стандартын талқылап, жас педагогтерге педагогикалық мамандықтың мәртебесі мен беделін көтеруге, әдістемелік деңгейін жетілдіруге, инновациялық және эксперименталдық жұмыстарда дербестігін және кәсібилігін арттыруға, кәсіби қоғамдастығында әріптестердің өз ойын білдіруге, кәсіби қарым-қатынас жасауға мүмкіндік туғызуға, шынайы білім беру процесінде жас педагогтардың педагогикалық бастамаларын жинақтап, таратуға және педагогика саласындағы шығармашыл жастарға қолдау көрсетуге ақпараттық-әдістемелік көмектер көрсетілді.
Іс-шараға, аудандар мен Тараз қалалық білім бөлімдерінің жас мамандары, барлығы 96 жас педагог қатысты.