«Экологиялық білім берудің үздік ұйымы»

республикалық  ұлттық байқауы  өтті

          «Экологиялық білім берудің үздік ұйымы» республикалық  ұлттық байқауына қатысқан Тараз қаласы №33 «Айсауле»  бөбекжай-бақшасы  Алғыс хатпен,  Шу ауданы, «Жібек жолы» мектеп-лицейі  «Экологиялық сауат және ақпараттандыру» номинациясы бойынша   II орынды  иеленді.

ОБЛЫСТЫҚ ОҚЫТУ СЕМИНАРЫ ӨТТІ

2025 жылдың 22 сәуір күні Жамбыл облысы әкімдігінің білім басқармасының оқу-әдістемелік орталығының ұйымдастыруымен  мектеп бітірушілердің қорытынды аттестаттауға дайындығын қамтамасыз ету мақсатында директордың оқу ісі жөніндегі орынбасарларына арналған «Білім алушыларды қорытынды аттестаттаудан өткізу тәртібі» атты облыстық оқыту семинары өтті.

Іс-шараға 297 директордың оқу ісі жөніндегі орынбасарлары қатысты.

Облыстық оқыту семинарының барысында қатысушыларға "Білім алушылардың үлгеріміне ағымдық бақылау, аралық және қорытынды аттестаттау өткізудің үлгілік қағидаларын бекіту туралы" Қазақстан Республикасы Білім және ғылым министрінің 2008 жылғы 18 наурыздағы №125 бұйрығына сәйкес негізгі орта, жалпы орта білім берудің жалпы білім беретін оқу бағдарламаларын меңгеру білім алушылардың міндетті қорытынды аттестаттауымен аяқталуы, 9, 11 сынып  білім алушылары үшін бітіру емтихандары мен мемлекеттік бітіру емтихандарының өткізілу нысандары, қорытынды аттестаттауға МЖМБС талаптарына сәйкес үлгілік жалпы білім беретін оқу бағдарламаларын меңгерген 9, 11 сыныптардың білім алушылары жіберілуі, негізгі орта білім берудің жалпы білім беретін оқу бағдарламаларын меңгерген 9 сынып білім алушылары төрт пәннен емтихан тапсыратыны оның біреуі таңдау бойынша, жалпы орта білім берудің жалпы білім беру оқу бағдарламаларын меңгерген 11  сынып білім алушылары бес емтихан түрінде қорытынды аттестаттау тапсыратыны олардың біреуі таңдау бойынша екені, сондай-ақ білім алушылардың қорытынды аттестаттаудан босатылу талаптары, қорытынды аттестаттаудан босатылған білім алушылардың қорытынды бағасы ағымдағы оқу жылының жылдық бағаcы негізінде қойылатыны туралы ақпараттық-әдістемелік көмектер берілді.

          Сонымен қатар, мектеп тәжірибесінде қорытынды аттестаттаудың жүйелі өткізілуі бойынша мемлекеттік емтихандарға оқушыларды дайындау түрлері, топтық және жеке дайындық, логикалық сұрақтарды талдау, күрделі тақырыптар бойынша деңгейлік тапсырмалар, сұрақтармен жұмыс жүргізуде тиімді тәсілдерді қолдану туралы мазмұнды ақпараттар берілді.

Семинар қорытындысында қатысушыларды ақпараттық-әдістемелік сүйемелдеу бағытында материалдар электонды, қағаз түрінде таратылды.

Инстаграмм: https://www.instagram.com/p/DIwP2mEIMPU/?img_index=3&igsh=MW50NGtzbmIzdnUxdw==

Фейсбук: https://www.facebook.com/share/p/18Vx9SCdFY/

Мақсатты мектептерінің бастауыш сынып мұғалімдеріне арналған  «Бастауыш сынып оқушылардың зерттеу жұмыстарын ұйымдастыру» тақырыбында вебинар өтті

Облыстық оқу-әдістемелік орталығы 2025  жылдың 16 мамыр күні мақсатты мектептерінің бастауыш сынып мұғалімдеріне әдістемелік көмек көрсету мақсатында «Бастауыш сынып оқушылардың зерттеу жұмыстарын ұйымдастыру» тақырыбында вебинар өткізілді. Мақсаты – бастауыш сынып оқушыларының зерттеу дағдыларын дамыту мақсатында педагогтердің кәсіби құзыреттілігін арттыру, зерттеу қызметін тиімді ұйымдастыру жолдарын ұсыну.

Вебинарда бастауыш сынып оқушыларына арналған зерттеу жұмыстарының маңызы мен мазмұны түсіндіріліп, түрлі жастағы оқушыларға бейімделген зерттеу қызметінің үлгілері (жобалық жұмыс, бақылау, тәжірибе, шағын зерттеу) ұсынылды. Сонымен қатар іс-шара қатысушылары, зерттеу жобаларын құрастырудың үлгілері мен қадамдары, жобаның құрылымы, тақырып таңдау, мақсат қою, гипотеза жасау, ақпарат жинау, тәжірибе жүргізу және қорытындылау кезеңдері бойынша өзара тәжірибе алмасты.

Аталған іс-шараға  аудандық (қалалық)  білім бөлімдерінің жауапты  әдіскерлері мен  мақсатты мектептерінің бастауыш сынып мұғалімдері,  барлығы  390  педагог қатысты.

«Тарих сабағында цифрлық ресурстар мен тиімді әдіс-тәсілдерді қолдану» тақырыбында облыстық семинар-практикум өтті

2025 жылдың 13 мамыр күні облыстық оқу-әдістемелік орталығының ұйымдастыруымен «Мақсатты мектептер» жобасы аясында тарих пәні мұғалімдеріне арналған «Тарих сабағында цифрлық ресурстар мен тиімді әдіс-тәсілдерді қолдану» тақырыбында облыстық семинар-практикум өтті.

Іс-шараның мақсаты – тарих сабақтарында цифрлық ресурстарды, жасанды интеллект мүмкіндіктерін және сабақ барысында тиімді әдіс-тәсілдерді пайдалану жолдарын ұсыну.

Семинар-практикум барысында педагогтерге сабақты жоспарлау мен тапсырмаларды әзірлеу барысында қолданылатын ресурстар, платформалардың түрлері мен тиімділігі, электронды оқулықтар, жасанды интеллект мүмкіндіктері, ғылыми жобаларды әзірлеуде цифрлық ресурстарды қолдану  бойынша шеберлік сыныбы көрсетіліп, әдістемелік ұсынымдар берілді.

Іс-шараға тарих пәнінің және «Мақсатты мектептер» жобасына енген мектептердің пән мұғалімдері, барлығы 98 педагог қатысты.