Халықаралық зерттеулер - Оқу-әдістемелік кабинет
Оқу-әдістемелік кабинет

Халықаралық зерттеулер

VI облыстық «Ақберен» білім және өнер байқауы өтті

Жамбыл облысы әкімдігінің білім басқармасының оқу-әдістемелік кабинетінің ұйымдастыруымен оқушылардың гуманитарлық-эстетикалық ғылымдар саласында кәсіптік қызметін таңдауда шығармашылық қабілетін, өлең жазудағы талантын, тапқырлық қырын, дарынын таныту мақсатында 2019 жылдың 26 ақпанында 8-11 сынып оқушылары арасында VI облыстық «Ақберен» білім және өнер байқауы өткізілді.

 «Ақберен» білім және өнер байқауының ІІ кезеңіне облыс бойынша аудандық (қалалық) білім бөлімдері мен облыстық білім басқармасына қарасты білім мекемелерінен                72 оқушы қатысты.

Байқау 6 номинация бойынша өткізілді:  шешендік, білгірлік сайысы;  көркемсөз оқу;  эссе жазу; ұлттық аспапта өнер көрсету;   ақындар айтысы; ақындар мүшәйрасы.     Іс-шараның қорытындысы бойынша үздік деп танылған оқушылар I, II, III дәрежелі дипломдарымен, алғыс хаттармен  марапатталды.

Байқаудың республикалық кезеңі 2019 жылдың 11-13 наурыз күндері                 Ақтау қаласында өтеді. Байқауға 6 номинация бойынша облыстық байқауда жүлдегер атанған     6 оқушыдан және 1 жетекшіден құралған команда қатысады.

Т.Рысқұлов ауданында әдістемелік десант өтті

Облыстық білім басқармасының оқу-әдістемелік кабинетінің ұйымдастыруымен тәрбие мен оқыту сапасының деңгейін арттыру мақсатында 2019 жылдың 26 ақпан күні Т.Рысқұлов ауданындағы Ә.Бөкейханов атындағы орта мектебі мен «Балапан» бөбекжай-бақшасының базаларында «Білім берудегі инновациялық технологиялар – білім сапасын арттырудың негізі» атты облыстық әдістемелік десант өтті.

Әдістемелік десантқа мектеп директорлары, директордың оқу ісі жөніндегі орынбасарлары, директордың құқық, тәрбие ісі жөніндегі орынбасарлары, пән мұғалімдері (мектепке дейінгі ұйым педагогтары, мектепалды даярлық, бастауыш сынып, қазақ тілі, орыс тілі, ағылшын тілі, математика, физика, химия, биология, тарих, география, информатика, көркем еңбек, музыка, өзін-өзі тану, психолог, әлеуметтік педагог), барлығы 576 педагог қатысты.

Секция жұмыстарында білім сапасын арттыру жұмыстарын жүйелі ұйымдастыруға бағытталған шеберлік сыныптары мен коучингтер, панорамалық сабақтар, психологиялық тренингтер өткізіліп, электронды таратпалы материалдар ұсынылды.

Мектепке дейінгі ұйымдарда «Жаңашыл балабақша»  облыстық  байқауы өтті

2019  жылдың  22 ақпанында облыстық оқу-әдістемелік кабинетінің ұйымдастыруымен Тараз қаласы, №16 бөбекжай-бақшасының базасында мектепке дейінгі мекеме меңгерушілері арасында «Жаңашыл балабақша» облыстық байқауы өтті. Байқауға аудандардан 8 меңгеруші қатысып, бас жүлдені Меркі ауданының «Ертөстік» бөбекжай-бақшасының меңгерушісі З.Тілешова:

І орындарды–Шу ауданының «Раушан» бөбекжай-бақшасының меңгерушісі И.Абдикалыкова, Тараз қаласының №5 «Ақ желкен» бөбекжай-бақшасының меңгерушісі Н.Сегизбаева:

ІІ орындарды Т.Рысқұлов ауданы «Бәйшешек» бөбекжай-бақшасының меңгерушісі Қ.Қорымбаева,  Сарысу ауданы «Ақбота» бөбекжай-бақшасының меңгерушісі А.Танкаева:

ІІІ орындарды Жамбыл ауданы «Жас қанат» бөбекжай-бақшасының меңгерушісі Л.Рахатова, Байзақ ауданы «Айгүл» бөбекжай-бақшасының меңгерушісі Ш.Касыкбаева, Жуалы ауданы «Нұршуақ» бөбекжай-бақшасының меңгерушісі Б.Әбубәкір иеленді.

Меркі ауданында әдістемелік десант өтті

Облыстық білім басқармасының оқу-әдістемелік кабинетінің ұйымдастыруымен тәрбие мен оқыту сапасының деңгейін арттыру мақсатында 2019 жылдың 26 ақпан күні Меркі ауданындағы В.Савва атындағы №9 орта мектебінің, «Ертөстік» бөбекжай-бақшасының базаларында «Білім берудегі инновациялық технологиялар – білім сапасын арттырудың негізі» атты облыстық әдістемелік десант өтті.

Әдістемелік десантқа мектеп директорлары, директордың оқу ісі жөніндегі орынбасарлары, директордың құқық, тәрбие ісі жөніндегі орынбасарлары, пән мұғалімдері (мектепке дейінгі ұйым педагогтары, мектепалды даярлық, бастауыш сынып, қазақ тілі, орыс тілі, ағылшын тілі, математика, физика, химия, биология, тарих, география, информатика, көркем еңбек, музыка, өзін-өзі тану, психолог, әлеуметтік педагог), барлығы 568 педагог қатысты.

Секция жұмыстарында білім сапасын арттыру жұмыстарын жүйелі ұйымдастыруға бағытталған шеберлік сыныптары мен коучингтер, панорамалық сабақтар, психологиялық тренингтер өткізіліп, электронды таратпалы материалдар ұсынылды.

«Жаңартылған білім беру бағдарламасы аясында басқару мен оқытудың тиімді  жолдары» тақырыбында облыстық тәжірибелік семинар өтті

2019 жылдың 22 ақпан күні облыстық оқу-әдістемелік кабинеті  Тараз қ. физика-математикалық бағытындағы «Назарбаев Зияткерлік мектебі», Педагогикалық шеберлік орталығымен бірлесе отырып, Назарбаев Зияткерлік мектебінің базасында облыстық тәжірибелік семинар өткізді. Облыстағы 40 жетекші мектеп басшыларына «Аккредитация элементтері», математика пәнінің мұғалімдеріне «Математикадан күрделі деңгейдегі есептерді шығару  жолдары», дене шынықтыру және көркем еңбек пәндерінің мұғалімдеріне «Дене шынықтыру, көркем еңбек пәндерін оқыту барысында қалыптастырушы бағалау үдерісіндегі тиімді әдіс-тәсілдер» тақырыптарында секциялық жұмыстар ұйымдастырылды.

Аталған іс-шараға 167 педагог катысты.

Іс-шара барысында семинар қатысушылары мектептердегі халықаралық аккредиттеу, қиындығы жоғары есептерді шешу, стереометрия бөлімін оқытудағы әдіс-тәсілдер, теоремаларды бірнеше әдіспен дәлелдеу, олимпиада есептерін шығаруға кіріспе, сабақ барысында қалыптастырушы бағалаудың түрлі әдіс-тәсілдерін қолдану жолдары бойынша тәжірибе алмасты.