«Қысқы мектеп» жобасы аясында математика пәнінің мұғалімдеріне семинар өтті

2019 жылдың 21 ақпанында Жамбыл облысы әкімдігі білім басқармасының оқу-әдістемелік кабинетінің ұйымдастыруымен облыстық ерекше дарынды балаларға арналған мамандандырылған «Дарын» мектеп-интернаты базасында математика пәні мұғалімдері үшін «Математика пәнінен ОЖСБ-ға дайындаудың тиімді жолдары» тақырыптарында   облыстық семинар өтті.  Іс-шара барысында олимпиадалық есептерді шығарудың, ОЖСБ-да кездесетін күрделі тапсырмаларды орындаудың тиімді жолдарын анықтайтын әдіс-тәсілдерімен бөлісті.

Аталған іс-шараға облыстың  18  педагогі қамтылды.

«Қысқы мектеп» жобасы аясында информатика пәнінің мұғалімдеріне дәріс өтті

2019 жылдың 20 ақпанында Жамбыл облысы әкімдігі білім басқармасының оқу-әдістемелік кабинетінің zhambul_obl_metod бөлмесінде «Информатика пәнін ағылшын тілінде оқытудағы терминологиямен жұмыс» тақырыбында дәріс өтті. Іс-шара барысында информатика пәні мұғалімдері үшін информатика пәнін ағылшын тілінде оқытудың терминологиясына байланысты мәліметтер беріліп, тәжірибелік маңызы бар ойлар ортаға салынды.

Аталған іс-шараға облыстың  151  педагогі қамтылды.

“Развитие автономности у учащихся и эффективные методы преподавания ключевых речевых навыков на уроках английского языка” тақырыбында облыстық семинар-тренинг өтті

           Жамбыл облысы әкімдігі білім басқармасының оқу-әдістемелік кабинеті InterPress әдістемелік кеңес беру орталығымен бірлесіп ұйымдастырған ағылшын тілі пәні мұғалімдеріне және әдіскерлеріне Тараз қаласының Жамбыл атындағы №5 мектеп-гимназиясының базасында “Развитие автономности у учащихся и эффективные методы преподавания ключевых речевых навыков на уроках английского языка” тақырыбында семинар-тренинг өткізілді.

Іс-шараның мақсаты – пән мұғалімдерін тиімді технологиялар мен оқыту әдістерімен таныстыру Oxford University Press баспасы әзірлеген жаңартылған мазмұндағы 9 сыныптарға арналған оқулық пен жұмыс жүргізу бойынша әдістемелік көмек көрсету.

Семинар-тренингті Oxford University Press баспасының халықаралық оқытушысы Пол Вудфолл (Paul Woodfall) жүргізді. Іс-шараның қорытынды бөлімінде қатысушыларға Oxford баспасының сертификаттары беріліп, көрнекі құралдар таратылды.

Аталған іс-шараға Байзақ, Жамбыл, Жуалы аудандарынан барлығы 30 педагог  қатысты.

«Методика обучения младших школьников буквам и звукам английского алфавита» тақырыбында әдістемелік семинар-тренинг өтті

2019 жылы 19 ақпанда Жамбыл облысы әкімдігі білім басқармасының оқу-әдістемелік кабинеті InterPress әдістемелік кеңес беру орталығымен бірлесіп ұйымдастырылған мектепке дейінгі мекеме және мектепалды даярлық тобының ағылшын тілі пәні мұғалімдеріне арналған «Методика обучения младших школьников буквам и звукам английского алфавита» тақырыбында семинар- тренинг өткізілді. 

Іс-шараны  Oxford University Press баспасының халықаралық оқытушысы Пол Вудфолл жүргізді. Семинар-тренинг барысында оқу қызметін ұйымдастырудың инновациялық тәсілдері, кіріктіріліп оқытудың тиімді тәжірибелері бойынша тұжырымды пікірлер ортаға салынып, педагогтарға әдістемелік көмек көрсетілді.

Аталған іс-шараға Байзақ, Жамбыл, Жуалы аудандары мен Тараз қаласынан 107 педагог қамтылды.