«Тарих пәнінен авторлық бағдарламаларды әзірлеудің теориялық және әдістемелік негіздері» тақырыбында облыстық ашық диалог алаңы өтті

 2026 жылдың 10 ақпан күні облыстық оқу-әдістемелік орталығының ұйымдастыруымен тарих пәнінен авторлық бағдарламаға қойылатын талаптар мен оларды әзірлеу ерекшеліктерін ұсыну, әдістемелік көмек көрсету мақсатында тарих пәні мұғалімдеріне арналған «Тарих пәнінен авторлық бағдарламаларды әзірлеудің теориялық және әдістемелік негіздері» тақырыбында облыстық ашық диалог алаңы өтті.

Ашық диалог алаңы барысында педагогтерге басшылыққа алынатын нормативтік құжаттар, авторлық бағдарламаларды әзірлеуге қойылатын талаптар,  ресімдеу тәртібі, рецензияны жазуға қойылатын өлшемдер, тақырыпты таңдау мен оның өзектілігін айқындау, авторлық бағдарлама мен әдістемелік нұсқаулық, құралдарды жазу ерекшеліктері, авторлық бағдарламаны, өнімдерді енгізу актілері мен жазу талаптары бойынша әдістемелік ұсынымдар беріліп, материалдар таратылды.

Іс-шараға аудандар мен Тараз қалалық білім бөлімдерінің әдіскерлері, тарих пәнінің мұғалімдері, барлығы 164 педагог қатысты.

Облыстың физика , химия, информатика, биология пәндерінің педагогтері «Teacher’s Hackathon» республикалық педагогикалық хакатонның жеңімпазы атанды

2026 жылғы 28-29 қаңтар аралығында Астана қаласының №9 «Зерде» лицейі базасында мамандандырылған білім беру ұйымдарының жас педагогтері арасында «Teacher’s Hackathon» республикалық педагогикалық хакатоны өтті.Хакатонға республиканың барлық өңірлерінен келген 70 мамандандырылған білім беру ұйымының жас педагогтері қатысты
Хакатон аясында қатысушылар командалық форматта жұмыс істеп, өз жобаларын әзірлеп, тәжірибе алмасты және кәсіби пікірталастарға қатысты. Бұл алаң жас педагогтердің шығармашылық әлеуетін ашуға және кәсіби қоғамдастықтағы өзара байланысты нығайтуға мүмкіндік берді.
Аталған байқау нәтижесі бойынша Жамбыл облысының физика , химия, информатика, биология пәндерінің 5 педагогі жүлделі орындарды иеленді.
Атап айтсақ,
• А.Арынбекова Алтынай бас жүлдені облыстық мамандандырылған ІТ лицей-интернатының, физика пәнінің мұғалімі
• С.Сарсенова дарынды балаларға арналған мамандандырылған лицейінің химия пәні мұғалімі, А. Сихымбекқызы Абай атындағы мамандандырылған дарынды балаларға арналған қазақ тілі мен әдебиетін тереңдете оқытатын мектеп гимназиясының физика пәнінің мұғалімі I дәрежелі дипломды
• Н.Пернебек дарынды балаларға арналған мамандандырылған “Дарын” лицей-интернатының информатика пәнінің мұғалімі II дәрежелі дипломды
• Н.Тоқшылық Айшабибі атындағы Білім-инновация лицей-интернатының биология пәнінің мұғалімі ІІ дәрежелі дипломдарымен марапатталды

«PIRLS зерттеуіне сай мәтінді түсіну және талдау дағдыларын қалыптастырудың әдістемелік негіздері» тақырыбында ақпараттық-әдістемелік семинары өтті

         Жамбыл облысы әкімдігі білім басқармасының оқу-әдістемелік орталығы 2026 жылға арналған жұмыс жоспарына сәйкес ағымдағы жылдың 9 ақпан  күні «PIRLS зерттеуіне сай мәтінді түсіну және талдау дағдыларын қалыптастырудың әдістемелік негіздері» тақырыбында ақпараттық-әдістемелік семинары өтті. Мақсаты – PIRLS халықаралық зерттеуінің талаптары мен бағалау өлшемдеріне сәйкес бастауыш сынып білім алушыларының мәтінді түсіну және талдау дағдыларын қалыптастыру, педагогтердің кәсіби құзыреттілігін арттыру және тиімді тәжірибелерді оқу үдерісіне енгізуге әдістемелік қолдау көрсету.

         Семинар барысында PIRLS халықаралық негізгі зерттеуінің мазмұны, құрылымы және әдіснамалық ерекшеліктері жан-жақты қарастырылды. Қатысушылар оқу сауаттылығын дамытуға бағытталған тапсырмалар жүйесіне талдау жасап, көркем және ақпараттық мәтіндермен жұмыс жүргізудің нәтижелі тәсілдерімен танысты. Атап айтқанда, мәтіндегі негізгі және қосымша ақпаратты анықтау, мағыналық-құрылымдық талдау жасау, деректерді салыстыру арқылы логикалық қорытынды шығару, ақпаратты жүйелеу және әртүрлі форматта ұсынылған мәліметтер арасындағы өзара байланысты айқындау жолдарына ерекше назар аударылды. Сонымен қатар құпиялылықтан шығарылған PIRLS тапсырмалары негізіндегі мәтіндер арқылы практикалық бағыттағы түсіндірмелер беріліп, оларды сабақ үдерісінде қолданудың тиімді үлгілері ұсынылды.

Іс-шара қорытындысы бойынша қатысушыларға семинар материалдары негізінде әзірленген электронды таратпалы ресурстар ұсынылып, алынған теориялық және практикалық мәліметтерді педагогикалық тәжірибеде қолдануға арналған нақты әдістемелік ұсынымдар берілді.

          Шараға аудандық (қалалық) білім бөлімдерінің жауапты әдіскерлері, PIRLS халықаралық негізгі зерттеуіне қатысатың орта білім беру мекемелерінің директордың оқу ісі жөніндегі орынбасарлары мен бастауыш сынып мұғалімдері, барлығы  369 педагог қатысты.

«AI-teacher» жобасы аясында «AI-технологиялар арқылы оқушылардың метапәндік дағдыларын дамыту жолдары» тақырыбында семинар өтті

Облыстық оқу-әдістемелік орталығының ұйымдастыруымен 29 қаңтар күні «AI-Teacher» жобасы аясында бастауыш сынып және информатика пәндері мұғалімдеріне арналған «AI-технологиялар арқылы оқушылардың метапәндік дағдыларын дамыту жолдары» тақырыбында онлайн режимінде семинар өтті.
Іс-шара барысында қатысушыларға заманауи AI платформалары – MektepAi6ChatGPT, Google Gemini, Eduaide, LessonPlan.ai сынды білім беру бағытындағы жүйелердің мүмкіндіктері таныстырылды. Мұғалімдер осы құралдардың көмегімен оқу мақсаттарына сәйкес сабақ жоспарын автоматты түрде әзірлеу, бағалау критерийлері мен дескрипторларын қалыптастыру, рефлексия мен кері байланыс алу тәсілдерін тәжірибе жүзінде өз пәндері бойынша жасанды интеллекттің көмегімен сабақ құрылымын құрастырып, оқу мақсаттарына сай бағалау парақтарын жасауды. Қатысушылар AI құралдарын сабақта тиімді пайдалану жолдарын талқылап, өз тәжірибелерімен бөлісті
          Іс-шараға бастауыш сынып мұғалімдері мен аудандық (қалалық) білім бөлімдерінің жауапты әдіскерлері, жалпы 365 педагог қатысты.