Назарбаев Зияткерлік мектептерінің іс-тәжірибесін енгізу мақсатында «Мәңгілік ел» - ұлттық тәрбие мен білімнің негізі»  атты  облыстық шеберлік сынып өтті

2019  жылдың  23 сәуір күні  облыстық оқу-әдістемелік кабинетінің ұйымдастыруымен Үш тілде оқытатын мамандандырылған дарынды балаларға арналған мектептің базасында Назарбаев Зияткерлік мектебінің тәжірибесін енгізген жетекші мектептердің директордың тәрбие ісі жөніндегі орынбасарларына  арналған «Мәңгілік ел» - ұлттық тәрбие мен білімнің негізі»  атты  облыстық шеберлік сынып өткізілді, барлығы 43 педагог  қатысты.

Семинардың   мақсаты - білім беру ұйымдарында «Мәңгілік ел» жалпыұлттық идеясының құндылықтарын жүзеге асырудағы жаңа ақпараттық кеңістігін құру, НЗМ-нің тәрбие жұмыс жүйесін тарату, қарым-қатынастық құзіреттіліктің артуына қолайлы жағдай жасау.

Іс-шара барысында Тараз қаласы  физика – математикалық бағытындағы Назарбаев Зияткерлік мектебімен бірлесе отырып жұмыс жасайтын 40 жетекші мектептердің, оның ішінде 5 жетекші мектеп іс тәжірибесімен бөлісті.

Әдістемелік кеңес өтті.

2019 жылдың 19 сәуірінде Жамбыл облысы әкімдігі білім басқармасының ұйымдастыруымен TIMSS-2019 жаратылыстану-математикалық білім беру сапасының  негізгі халықаралық зерттеуін ұйымдастыру және өткізуге байланысты  әдістемелік кеңес өтті.

Зерттеудің мақсаты - әртүрлі білім беру жүйелері бар елдердегі бастауыш және негізгі мектептердегі оқушылардың жаратылыстану-математикалық дайындығын салыстырмалы бағалау, оқушылардың жетістіктерінің әртүрлі деңгейлерін анықтайтын білім беру жүйелерінің ерекшеліктерін анықтау.

Әдістемелік кеңеске аудандық (қалалық) білім бөлімдерінің TIMSS халықаралық зерттеуіне жауапты мамандары мен зерттеуге қатысатын мектеп басшылары, жалпы 25 педагог қатысты.

«Шығармашыл жас маман» атты облыстық байқауы өтті

2019  жылдың  17, 18, 19  сәуір күндері облыстық оқу-әдістемелік кабинетінің ұйымдастыруымен «Шығармашыл жас маман» облыстық байқауы өтті. Байқауға бөбекжай-бақшалардан 10, шағын орталықтардн – 6, жекеменшік балабақшалардан – 10, барлығы 26 педагог қатысып, өзара білімдерімен сайысқа түсті.

Байқаудың мақсаты – мектепке дейінгі білім беру ұйымдарында педагогтардың кәсіби беделін арттыру және жас мамандарға қолдау көрсету, үздік педагогикалық тәжірибелерді насихаттау.

Облыстық байқауда Тараз қаласы, №44 «Ертарғын» бөбекжай-бақшасының тәрбиешісі М.Аққойлиева, Байзақ ауданы, Мырзатай орта мектебі жанындағы «Алтын ұя» шағын орталығының тәрбиешісі Ж.Мырзабаева,  Қордай ауданы, «Нілбала» жекеменшік балалар бақшасының тәрбиешісі Д.Сейтенова бас жүлдені иеленді.

«Білім сапасын және қорытынды аттестаттауға дайындықты арттыру» тақырыбында облыстық онлайн семинар өтті

2019 жылдың 19 сәуір күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен        қорытынды аттестаттауға дайындықты арттыру мақсатында негізгі пәндер бойынша облыстық онлайн семинар өтті.

Облыстық онлайн семинарға бастауыш сыныпқа сабақ беретін мұғалімдер мен 11 сыныпқа сабақ беретін пән мұғалімдері (қазақ тілі мен әдебиеті, орыс тілі мен әдебиеті, ағылшын тілі, тарих, математика), барлығы 1890  педагог қатысты.

Семинар жұмыстарында білім сапасы мен қорытынды аттестаттауға дайындықты арттыру жұмыстарын жүйелі ұйымдастыруға бағытталған шеберлік сыныптары өткізіліп, электронды таратпалы материалдар ұсынылды.