«Қысқы мектеп» жобасы аясында физика пәнінің мұғалімдеріне семинар өтті

2019 жылдың 22 қаңтарында облыстық Айша-бибі атындағы дарынды қыз балаларға арналған мамандандырылған "Білім - инновация" мектеп-интернатының базасында физика пәні мұғалімдері үшін «Физика сабағында «CLIL» әдістемесін қолдану» тақырыбында облыстық семинар өтті. Семинарда «Refraction.Lense» тақырыбында  8-сынып оқушыларымен ашық сабақ, «Физика сабағында «CLIL» әдістемесін қолдану» тақырыбында коучинг өткізілді, «Білім және денсаулық»/Еducation and health fair/ тақырыбында көрме ұйымдастырылып, 7-8 сынып оқушылары жаратылыстану бағытындағы пәндер бойынша зертханалық жұмыстарды үш тілде жүргізді .

Аталған іс-шараға облыстың   41 педагогі қамтылды.

Назарбаев Зияткерлік мектептерінің тәрбие жұмысының ұйымдастырылуы бойынша іс-тәжірибесін тарату мақсатында тәжірибелік семинар өтті

2019 жылдың 17 қаңтар күні Назарбаев Зияткерлік  мектебінің базасында Жамбыл облысы әкімдігі білім басқармасының    оқу-әдістемелік кабинеті  Тараз  қаласындағы Назарбаев Зияткерлік  мектебімен  бірлесіп  Назарбаев Зияткерлік мектептерінің тәрбие жұмысының ұйымдастырылуы бойынша іс-тәжірибесін тарату мақсатында директордың тәрбие  ісі  жөніндегі  орынбасарларына  арналған тәжірибелік семинар өткізілді, барлығы 138 педагог  қатысты.

Семинардың   мақсаты - білім беру ұйымдарында «Мәңгілік ел» жалпыұлттық идеясының құндылықтарын жүзеге асырудағы жаңа ақпараттық кеңістігін құру, НЗМ-нің тәрбие жұмыс жүйесін тарату, қарым-қатынастық құзіреттіліктің артуына қолайлы жағдай жасау.

Тараз қаласында әдістемелік десант өтті

Педагогтарға әдістемелік көмек көрсету және білім беру ұйымдарында білім сапасын арттыру мақсатында 2019 жылдың 17 қаңтар күні Тараз қалалық әдістемелік кабинеті №2 орта мектебі мен №15 гимназияда әдістемелік десанттар өткізді.

Іс-шара барысында мектеп директорлары, мектеп директорының орынбасарлары, пән мұғалімдері, барлығы 151 педагогқа әдістемелік көмек көрсетілді.

Әдістемелік десантта әдіскерлер мен озық тәжірибелі мұғалімдер сабақтарға қатысып, әдіс-тәсілдерді тиімді қолдану бойынша әдістемелік көмек көрсетті. Білім сапасын арттыру жұмыстарын жүйелі ұйымдастыруға бағытталған панорамалық сабақтар, шеберлік сыныптарын өткізді.

«Қысқы мектеп» жобасы аясында физика пәнінің мұғалімдеріне онлайн режимінде шеберлік сыныптар өтті

2019 жылдың 17 қаңтарында zhambul_obl_metod бөлмесінде облыстық  үш тілде оқытатын мамандандырылған дарынды балаларға арналған мектептің физика пәні мұғалімдері «Физика сабақтарында оқушылардың функционалдық сауаттылығын арттыру» тақырыбында физика пәнінің мұғалімдеріне арналған онлайн режимінде шеберлік сыныптар өткізіп, білім алушылардың функционалдық сауаттылығын арттырудың тиімді әдістері, жолдарымен бөлісе отырып, тәжірибе алмасты.

Аталған іс-шараға облыстың  281 педагогі қамтылды.