Тірек мектептердің (Р.О.) жұмысын жетілдіру

Түркістан облысының білім беру ұйымдарының басшыларына тәжірибе алмасу вебинары өтті.

2021 жылдың 10 ақпан күні Ақтөбе облысының білім қызметкерлері үшін «Оқушылардың функционалдық сауаттылығын дамыту: Ізденіс. Тәжірибе. Нәтиже» тақырыбында тәжірибе алмасу вебинары өтті.

Жамбыл облысы әкімдігі білім басқармасының оқу-әдістемелік кабинетінің бөлім жетекшісі, халықаралық зерттеулер бойынша облыстық координатор Ш.Жамалбекова тәжірибелік таныстырылым арқылы оқушылардың функционалдық сауаттылықтарын қалыптастыру бағытындағы жұмыстарға тоқталды.

Вебинар барысында Талас ауданы мектеп-лицейдің директоры М.Қазанғапов оқушылардың функционалдық сауаттылығын арттыру мақсатында жүргізілген іс-тәжірибесімен бөлісіп, Жамбыл ауданы әкімдігінің білім бөлімінің әдіскері, аудан үйлестірушісі А.Бейбітова аудан көлемінде жүргізілген жұмыстардың жүйесімен твныстырды.

Аталған вебинарға Түркістан облысының аудандық әдістемелік кабинетінің меңгерушілері, облыстық әдістемелік орталықтың әдіскерлері, жалпы 70 білім қызметкерлері қатысты.

Іс-шара барысында Түркістан облысы адами әлеуетті дамыту басқармасының әдістемелік орталығының директоры А.З.Турсынбаев, директордың инновациялық жұмысы жөніндегі орынбасары М.Ж.Жансейітқызы оқушылардың функционалдық сауаттылықтарын дамыту бойынша ашық диалогтық алаңда іс-тәжірибе алмасу бағытында Жамбыл облысы әкімдігі білім басқармасының оқу-әдістемелік кабинетінің ұжымына алғыстарын білдірді.

«Тарих сабақтарын тиімді жоспарлау» тақырыбында облыстық вебинар өтті

2021 жылдың 9 ақпан күні облыстық оқу-әдістемелік кабинетінің ұйымдастыруымен «Ауыл мектебі» жобасы аясында Байзақ ауданы Н.Ақшабаев атындағы орта мектебі, Жамбыл ауданы Б.Бесбаев атындағы мектеп-гимназиясының тарих пәні мұғалімдеріне арналған «Тарих сабақтарын тиімді жоспарлау» тақырыбында облыстық вебинар өтті.

Іс-шараның мақсаты – тарих пәні мұғалімдерінің кәсіби құзіреттіліктерін арттыру, әдістемелік көмек көрсету.

Вебинар барысында педагогтарға тарих пәні сабақтарын тиімді жоспарлау, үшінші және төртінші тоқсандардағы БЖБ және ТЖБ өткізу, қалыптастырушы бағалау, жиынтық бағалау, бағалау қағидаттары, білім алушылардың оқу жетістіктерін бағалау критерийлерін құрастыру бойынша әдістемелік ұсынымдар беріліп, дидактикалық материалдар таратылды.

Іс-шараға Байзақ ауданы мен Жамбыл ауданы мектептерінен 16 педагог қатысты.

«Қысқы мектеп» жобасы аясында математика пәнінің мұғалімдеріне онлайн режимінде шеберлік сынып өтті

2021 жылдың 8 ақпан күні облыстық оқу-әдістемелік кабинетінің ұйымдастыруымен ZOOM бейнебайланыс режимінде облыстық дарынды балаларға арналған мамандандырылған «Дарын» мектеп-интернатының мұғалімі Қиялбеков Нариман Мәлікұлы «Оқушылардың математика пәніне қызығушылығын арттыруға инновациялық әдіс-тәсілдер қолдану» тақырыбында математика пәнінің мұғалімдеріне арналған онлайн режимінде шеберлік сынып өтті.

Іс-шара барысында оқушылардың математика пәніне қызығушылығын арттыру мақсатында, инновациялық әдіс-тәсілдерді қолданудың түрлі тиімді жолдарын көрсетті, өз тәжірибесімен бөлісті.

Аталған іс-шараға облыстың 120 математика пәнінің мұғалімдері қатысты.

ОБЛЫСТЫҚ ВЕБИНАР ӨТТІ

2021 жылдың 9 ақпанында Жамбыл облысы әкімдігі білім басқармасының оқу-әдістемелік кабинетінің ұйымдастыруымен мектеп директорының оқу ісі жөніндегі орынбасарларына арналған «Білім сапасын арттырудың негізі – нәтижеге бағытталған білім» (ҰБТ: өзгерістер мен ерекшеліктер) тақырыбында облыстық тәжірибе алмасу вебинары өтті.

Облыстық вебинарға аудандар мен Тараз қаласының білім беру ұйымдары директорларының оқу ісі жөніндегі орынбасарлары, барлығы 312 адам қатысты.

Вебинар барысында оқытудың күтілетін нәтижелері түрінде көрсетілген жалпы орта білім беру мақсаттарының жүйесіне қол жеткізу арқылы оқу-тәрбие процесінің сапасын арттырудың негізгі бағыттары, білім беру процесінің мазмұндық негізін айқындайтын білім берудің құндылықтары мен оқытудан күтілетін нәтижелер жүйесінің өзара байланыстылығы сондай-ақ, биылғы ұлттық бірыңғай тестілеудің ең басты ерекшеліктері, міндетті және бейіндік пәндердің тапсырмалар санының өзгеруі және бейіндік пәндерге контекст негізіндегі тест тапсырмаларының қосылуы және басқада ҰБТ өткізудің өзгешеліктері мен ерекшеліктері туралы мазмұнды ақпараттар беріліп, қатысушыларға ақпараттық-әдістемелік көмектер көрсетілді.

«Оқушылардың оқу сауаттылығын қалыптастыру бойынша кітапханалық іс-шараларды өткізудің тиімді формалары мен әдістері» тақырыбында облыстық вебинар өтті

2021 жылдың 8 ақпан күні облыстық оқу-әдістемелік кабинетінің ұйымдастыруымен аудандық, Тараз қалалық білім бөлімдерінің әдіскерлері мен жалпы орта білім беретін мектептің кітапхана қызметкерлеріне арналған «Оқушылардың оқу сауаттылығын қалыптастыру бойынша кітапханалық іс-шараларды өткізудің тиімді формалары мен әдістері» тақырыбында вебинар өтті.

Іс шараның мақсаты - кітапхана қызметкерлерінің кәсіби құзыреттіліктерін арттыру, тәжірибе алмасу.

Вебинар барысында Тараз қаласы №32 орта мектебінің кітапхана меңгерушісі Б.Сұлтанова «Оқуға құштар мектеп» негізінде оқушыларды кітап оқуға насихаттаудың заманауи формалары», №16 орта мектебінің кітапхана меңгерушісі А.Туменбаева «Кітапханадағы жаңа шығармашылық идеялар және бірлесіп оқуды ілгерілету мүмкіндіктері», Үш тілде оқытатын мамандандырылған дарынды балаларға арналған мектептің кітапхана меңгерушісі К.Мулдыева «Кітапхана онлайн: МДБАМ кітапханасының жұмыс тәжірибесі» тақырыптарында өз іс-тәжірибелерімен бөлісті.

Аталған іс-шараға аудандық, Тараз қалалық білім бөлімдерінің әдіскерлері мен 205 білім беру ұйымдарының кітапхана қызметкерлері қатысты.