Тірек мектептердің (Р.О.) жұмысын жетілдіру

«Бастауыш сыныптарда білім сапасын арттырудың өзекті мәселелері мен шешу жолдары» тақырыбында облыстық дөңгелек үстел өтті

Жамбыл облысы әкімдігі білім басқармасының оқу-әдістемелік кабинеті 2019 жылдың 14 мамыр күні «Бастауыш сыныптарда білім сапасын арттырудың өзекті мәселелері мен шешу жолдары» тақырыбында дөңгелек үстел өткізді.

Аталған іс-шараға 50 педагог қатысты.

Іс-шара барысында бастауыш сынып мұғалімдері сабақтың мақсатына сәйкес қалыптастырушы бағалау мен кері байланысты жүргізу, бөлім бойынша жиынтық бағалау негізінде рубрика жазу, тоқсандық жиынтық бағалау бойынша модерация жүргізу тәртібі, жүйелік-әдістемелік кешенге (http://smk.edu.kz) тіркелу, ЖӘК материалдармен жұмыс жасау, пәндерді оқытудағы жаңа әдіс-тәсілдері мен заманауи білім беру ресурстарын тиімді қолдану жолдары бойынша тәжірибе алмасып, электронды таратпалы материалдармен қамтамасыз етілді.

Дөңгелек үстелдің соңында мұғалімдер өздерін толғандырып жүрген сұрақтарға нақты жауап алды.

«TIMSS-2019 халықаралық зерттеуі» аяқталды

Ағымдағы жылдың 10-11 мамыр күндері Жамбыл облысында 4 және 8 сынып оқушыларының математика және жаратылыстану ғылымдары бойынша білім сапасын бағалау мақсатында TIMSS-2019 халықаралық зерттеуі Меркі ауданы, Т.Рысқұлов атындағы №20 орта мектебі мен Т.Қожакеев атындағы №39 мектеп-гимназиясында, Т.Рысқұлов ауданы, Т.Рысқұлов атындағы мектеп-лицейінде өткізіліп, халықаралық зерттеу аяқталды. Зерттеу барысында оқушылардан математика-жаратылыстану бағыты бойынша тест тапсырмалары мен сауалнамалар алынды. 4 сыныптың 97 ата-анасы оқушылардың математика және жаратылыстану пәндерінен даярлықтарын бағалау мақсатында жүргізілген сауалнамаға қатысты. Зерттеуге барлығы 182 оқушы қамтылды.

«Мектепке дейінгі ерте жастағы топтарда пәндік-дамытушы ортасын құрудың маңызы» тақырыбында облыстық семинар-практикум өтті

2019 жылдың 3 мамыр күні облыстық оқу-әдістемелік кабинетінің ұйымдастыруымен Меркі ауданы, «Ертөстік» бөбекжай-бақшасының базасында мектепке дейінгі ұйым тәрбиешілері үшін облыстық семинар-практикум өткізілді. Семинар-практикум барысында көрмелер, ұйымдастырылған ашық оқу қызметтері және тренингтер жүргізілді. Ерте жастағы топтарда пәндік-дамытушы ортасын құрудың ерекшеліктері бойынша тұжырымды пікірлер ортаға салынып, электронды таратпалы материалдар берілді.

Аталған іс-шараға облыс бойынша 85 педагог қамтылды.

«TIMSS-2019 халықаралық зерттеуі» жалғасуда

Ағымдағы жылдың 8 мамырында Жамбыл облысында 4 және 8 сынып оқушыларының математика және жаратылыстану ғылымдары бойынша білім сапасын бағалау мақсатында TIMSS-2019 халықаралық зерттеуі Талас ауданының мектеп-лицейінде жалғасты. Зерттеу барысында математика-жаратылыстану бағыты бойынша оқушылардан тест тапсырмалары мен сауалнамалар алынды, зерттеуге барлығы 53 оқушы қамтылды. Халықаралық зерттеу барысында оқушылардың математика және жаратылыстану пәндері бойынша даярлықтарын бағалау мақсатында 4 сыныптың 21 ата-анасынан сауалнама алынды.

«TIMSS-2019 халықаралық зерттеуі» жүргізілуде.

Ағымдағы жылдың 3-4 мамыр күндері Жамбыл облысында 4 және 8 сынып оқушыларының математика және жаратылыстану ғылымдары бойынша білім сапасын бағалау мақсатында TIMSS-2019 халықаралық зерттеуі Байзақ ауданы, Жамбыл атындағы орта мектебі мен Н.Киікбаев атындағы мектеп-гимназиясында, Мойынқұм ауданы В.Терешкова атындағы шағын жинақталған мектебінде өткізілді. Халықаралық зерттеу барысында оқушылардан математика-жаратылыстану бағыты бойынша тест тапсырмалары мен сауалнамалар алынды. 4 сыныптың ата-аналары сауалнамаға қатысты. Зерттеуге барлығы 93 оқушы қамтылды.