Сарысу ауданында әдістемелік десант өтті

Облыстық білім басқармасының оқу-әдістемелік кабинетінің ұйымдастыруымен тәрбие мен оқыту сапасының деңгейін арттыру мақсатында 2019 жылдың 31 қаңтар күні Сарысу ауданындағы Ш.Уәлиханов атындағы мектеп-гимназиясының, «Айгөлек» бөбекжай-бақшасының базаларында «Білім берудегі инновациялық технологиялар – білім сапасын арттырудың негізі» атты облыстық әдістемелік десант өтті.

Әдістемелік десантқа мектеп директорлары, директордың оқу ісі жөніндегі орынбасарлары, директордың құқық, тәрбие ісі жөніндегі орынбасарлары, пән мұғалімдері (мектепке дейінгі ұйым педагогтары, бастауыш сынып, қазақ тілі, орыс тілі, математика, физика, химия, биология, тарих, география, информатика, көркем еңбек, музыка, бейнелеу өнері, өзін-өзі тану, психолог, әлеуметтік педагог), барлығы 510 педагог қатысты.

Секция жұмыстарында білім сапасын арттыру жұмыстарын жүйелі ұйымдастыруға бағытталған шеберлік сыныптары мен коучингтер, панорамалық сабақтар, психологиялық тренингтер өткізіліп, электронды таратпалы материалдар ұсынылды.

Облыстық тәжірибелік семинар өтті

Жаңартылған білім беру мазмұны жағдайында мектепті басқарудың тиімді жүйесін қарастыру мақсатында 2019 жылдың      29 қаңтарында Байзақ ауданы, Ғ.Мұратбаев атындағы гимназиясының базасында «Нәтижеге бағытталған білім беру жағдайында мектептегі басқару жүйесін жетілдіру» атты облыстық тәжірибелік семинары өтті.

Тәжірибелік семинарға облыстық директорлар кеңесінің  мүшелері, жас мектеп директорлары, директордың оқу-тәрбие орынбасарлары, Тараз қаласындағы Назарбаев Зияткерлік мектебінің директоры, ПШО, «Өрлеу» біліктілікті арттыру институтының өкілдері, барлығы 80 адам қатысты.

          Іс-шара барысында мектеп басшылары білім мекемесінің оқыту тәжірибесімен бөлісіп, оқу-тәрбие жұмыстарын жоспарлау ерекшеліктері мен ұйымдастыру, сол арқылы білім сапасын арттырудың тиімді жолдары туралы пікір алысып, жаңартылған білім беру мазмұны жағдайында мектепті басқарудың нәтижеге бағытталған тиімді жолдары көрсетілді. Семинарға қатысушылар мектептің оқу-тәрбие жұмысының құрылымымен танысып, өзара тәжірибе алмасты.

«Қалыптастырушы және жиынтық бағалау  тапсырмаларын  құрастыру жолдары» тақырыбында облыстық  онлайн семинар өтті

Педагогикалық шеберлік орталығымен бірлесе отырып, 2019  жылдың  30 қаңтар  күні  облыстық білім басқармасының оқу-әдістемелік кабинетінің  «Zhambil_Obl_Metod» бөлмесінде  бастауыш сынып мұғалімдеріне арналған «Қалыптастырушы және жиынтық бағалау  тапсырмаларын  құрастыру жолдары»  тақырыбында онлайн режимінде  облыстық семинар өтті.

Аталған іс-шараға  1192    педагог  қатысты.

Іс-шара  барысында бастауыш сынып мұғалімдері сабақты жоспарлау  үдерісінің ерекшеліктері, оқу мақсаты және берілген тапсырмаға сәйкес қалыптастырушы бағалау мен кері байланысты жүргізу жолдары, бөлім/тоқсан бойынша жиынтық бағалаудың  ерекшеліктері, тест спецификация, қолжетімді нәтижені анықтайтын бағалау құралдары бойынша тәжірибе алмасып, электронды таратпалы материалдармен қамтамасыз етілді.

«Оқытудың белсенді  әдіс-тәсілдері» мен «Сабақ үдерісін тиімді ұйымдастыру арқылы оқу мақсатына қол жеткізу жолдары» тақырыптарында онлайн режимінде  семинар өтті

Тараз қаласындағы физика-математика бағытындағы Назарбаев Зияткерлік мектебімен  бірлесе отырып, 2019  жылдың  28 қаңтар  күні  облыстық білім басқармасының оқу-әдістемелік кабинетінің  «Zhambil_Obl_Metod» бөлмесінде «Оқытудың белсенді  әдіс-тәсілдері»   мен «Сабақ үдерісін тиімді ұйымдастыру арқылы оқу мақсатына қол жеткізу жолдары»  тақырыптарында  онлайн режимінде  семинар  өтті.  

      Аталған іс-шараға аудандық (қалалық) білім бөлімдерінің әдіскерлері, 5-8 сыныптарға  сабақ беретін жаратылыстану-математикалық бағытындағы пән  мұғалімдері, барлығы  1049   педагог қызметкерлері қатысты.

Іс-шара бағдарламасына сәйкес  НЗМ ФМ  Тараз қаласындағы  филиалының мұғалімдері жаңартылған оқу бағдарламасын іске асыру барысында тапсырманың мазмұнына сәйкес  қалыптастырушы  бағалау  мен кері байланысты жүргізу,  пәндерді оқытудағы  жаңа әдіс-тәсілдерді тиімді қолдану жолдары бойынша тәжірибе алмасты.