«Ата-аналардың педагогикалық қолдау орталығының жұмысын жетілдіру жолдары»

тақырыбында облыстық тәжірибелік семинар өтті

 2025 жылдың 17 сәуір күні Жамбыл облысы әкімдігі білім басқармасының оқу-әдістемелік орталығының ұйымдастыруымен «Біртұтас тәрбие» бағдарламасын жүзеге асыру аясында мектептердің тәрбие жұмысына жауапты педагог қызметкерлеріне әдістемелік  көмек көрсету және  өзара  тәжірибе  алмасу мақсатында «Ата-аналардың педагогикалық қолдау орталығының жұмысын жетілдіру жолдары» тақырыбындағы  облыстық тәжірибелік семинар онлайн режимінде өткізілді, барлығы 150 ден аса педагог қатысты.

Семинар  жұмысына аудандық білім бөлімдерінің тәрбие жұмысына жауапты әдіскерлері, директордың тәрбие, құқықтық ісі жөніндегі орынбасарлары, сынып жетекшілер, педагог-психологтар мен пән мұғалімдері қатысты.

Іс-шара барысында Жамбыл облысы әкімдігі білім басқармасының оқу-әдістемелік орталықтың бөлім жетекшісі Г.Келдибаеваның «Ата-аналардың педагогикалық қолдау орталығының жұмысын жетілдіру жолдары», сонымен қатар, «Ата-ана мен бала арасындағы қарым-қатынас», «Ұлттық өнер - ұлылығымыздың белгісі» коучинг сессия, «Қазақ халқының  мәдени мұрасы – қол өнер» жеңгелер мектебі презентация, «Ата - аналар мен бала арасындағы мәдениетті қарым – қатынас» тренинг, «Тәрбие процесінде  қазақтың дәстүрлері мен мәдениетін енгізу» атты презентация, «Ұлттық киім - ұлт рухының айғағы», «Ұлттық иммунитет» тақырыптарында педагогтардың іс-тәжірибелері көрсетілді, қатысушылар өзара тәжірибе алмасты.

Сондай-ақ, өздерінің тәрбие жұмысын жетілдіру бағытындағы тың идеяларының маңыздылығын, жаңашылдығын, басқа әдіс-тәсілдерден ерекшелігін көрсетумен қатар,  балаларды тәрбиелеу, ата-аналарға қолдау көрсетуге бағытталған іс-шараларды ұйымдастырудың  тиімді жолдарын көрсетті. Қатысушылар тәрбие жұмысын  ұйымдастыру  мен  үйлестіру  бойынша  әдістемелік көмектер  алды.

ҰЛТТЫҚ БІРЫҢҒАЙ ТЕСТІЛЕУ БОЙЫНША ОБЛЫСТЫҚ ОҚЫТУ СЕМИНАРЫ ӨТТІ

 Жамбыл облысы әкімдігінің білім басқармасының оқу-әдістемелік орталығы 2025 жылдың 17 сәуірінде мектеп бітірушілердің ҰБТ-ге дайындығын қамтамасыз ету мақсатында «Ұлттық бірыңғай тестілеуге білім алушыларды дайындаудың тиімді әдістері» тақырыбында облыстық оқыту семинарын өткізді.

 Іс-шараға аудандық білім бөлімдерінің жауапты әдіскерлері, мектеп директорының оқу ісі жөніндегі орынбасарлары, барлығы 375 адам қатысты.

Облыстық оқыту семинарының барысында М.Х.Дулати атындағы Тараз университетінің «Қабылдау комиссиясының жауапты хатшысы» А.А.Назарбекова қатысып, Ұлттық бірыңғай тестілеуге қатысудың нормативтері, тестілеу қағидалары, грантқа құжаттарды қабылдаудың мерзімі, ағымдағы жылы өтетін ҰБТ форматының ерекшеліктері  туралы айтып өтті.

Сонымен қатар, семинар барысында ҰБТ-ге дайындық жұмыстарын жүйелі жүргізілуінің әдістері, байқау тестілеулерінің нәтижелеріне сәйкес талдау жасау, мониторинг жүргізу түрлері, топтық және жеке дайындық, логикалық сұрақтарды талдау, күрделі тақырыптар бойынша деңгейлік тапсырмалар, сұрақтармен жұмыс жүргізуде тиімді тәсілдерді қолдану туралы мазмұнды ақпараттар беріліп, қатысушыларға ақпараттық-әдістемелік көмек көрсету бағытында @dulaty_priemka сайтына сілтеме берілді.

 «Мақсатты мектептер»  жобасына енген орта білім беру мекемелердің бастауыш сынып мұғалімдері үшін «PIRLS халықаралық  зерттеуін жүзеге асырудың өзекті мәселелері мен шешу жолдары» атты облыстық  онлайн семинары өтті

         Облыстық оқу-әдістемелік орталығының базасында 2025  жылдың 17 сәуір күні «PIRLS халықаралық  зерттеуін жүзеге асырудың өзекті мәселелері мен шешу жолдары» тақырыбында онлайн семинары  өтті. Мақсаты – бастауыш сынып мұғалімдерінің оқушылардың оқу сауаттылығын дамытуда жоғары нәтижелерге жетуге ұмтылысын арттыру.                                                                       

         Аталған іс-шара барысында «Мақсатты мектептер» жобасына енген орта білім беру ұйымдарының бастауыш сынып мұғалімдері PIRLS халықаралық зерттеуі бойынша алынған деректер мен нәтижелерді талдап, олардың бастауыш сынып оқушыларының оқу сауаттылығына тигізетін әсерін жан-жақты қарастырды. Сонымен қатар, цифрлық құралдар мен интерактивті ресурстарды тиімді пайдалану арқылы оқушылардың оқу дағдыларын жетілдіру, функционалдық сауаттылығын дамытуға бағытталған оқу материалдарын әзірлеу және ұсыну жолдары бойынша тәжірибе алмасты.

Іс-шараға аудандық  (қалалық) білім бөлімдерінің бастауыш сынып әдіскерлері, «Мақсатты мектептер» жобасына енген орта білім беру мекемелерінің бастауыш сынып  мұғалімдері,  барлығы 343  педагог қатысты.

«Шоқан Уәлиханов: Өмірдеректері. Еңбектері. Мұрасы» тақырыбында облыстық дөңгелек үстел өтті

 2025 жылдың 11 сәуір күні облыстық оқу-әдістемелік орталығының ұйымдастыруымен Шоқан Шыңғысұлы Уәлихановтың 190 жылдығына орай тарих пәні мұғалімдеріне арналған «Шоқан Уәлиханов: Өмірдеректері. Еңбектері. Мұрасы» тақырыбында облыстық дөңгелек үстел өтті.

Дөңгелек үстелдің мақсаты – қазақтың ұлы ғалымы, шығыстанушы, тарихшы, фольклоршы, этнограф, географ, ағартушы Шоқан Уәлихановтың еңбектері мен мұрасын насихаттау.

Іс-шараға Алматы қаласы Ш.Уәлиханов атындағы Тарих және этнология институтының бас сарапшысы, жетекші ғылыми қызметкері, т.ғ.к., қауымдастырылған  профессор Ә.Қ.Шашаев, Жетісу облысы М.Тынышбайұлы атындағы тарихи-өлкетану музейінің Ш.Уәлиханов атындағы «Алтынемел» мемориалды музейінің меңгерушісі М.О.Рахатова, экскурсия жетекшісі  М.І.Жакупова қатысты.

 Дөңгелек үстел барысында педагогтерге Шоқан Уәлихановтың өмір жолы мен өнегелі мұрасы, ғылым саласының дамуына қосқан үлесі, ғылыми еңбектері туралы ақпарат беріліп, педагогтер өзара ой-пікірлерімен бөлісіп, шеберлік сыныптарын көрсетті.

Іс-шараға ЖОО ғалымдары мен оқытушылары, музей қызметкерлері, аудандар мен Тараз қалалық білім бөлімдерінің әдіскерлері, тарих пәні мұғалімдері, барлығы 138 педагог қызметкер қатысты.