«Өзін-өзі тану» пәнінің үздік мұғалімі» атты облыстық байқау өтті

2019 жылдың 16 мамыры күні  Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  «Өзін-өзі тану пәні» педагогтарының арасында «Өзін-өзі тану» пәнінің үздік мұғалімі» атты облыстық байқау өтті. Аталған іс-шараға 10 педагог қатысып, нәтижесінде Т.Рысқұлов ауданы  Ю.Гагарин негізгі мектебінің мұғалімі А.Қожамқұлова бас жүлдені, Жуалы ауданы №26 Жаңаталап орта мектебінің мұғалімі Б.Сатыбалдиева бірінші орынды, Меркі ауданы №16 жалпы білім беретін мектебінің мұғалімі Н.Бірәлі, Сарысу ауданы Ақтоғай орта мектебінің мұғалімі Д.Жексенбина екінші орындарды, ал Тараз қаласы №45 қазақ классикалық гимназиясының мұғалімі А.Рахманбердиева, Талас ауданы Б.Тоқтықожаұлы атындағы орта мектебінің мұғалімі А.Молдабекова, Мойынқұм ауданы М.Жұмабаев атындағы мектеп-лицейінің мұғалімі А.Жанатова үшінші орындарды иеленді.

Академик А.Жұмаділдаев атындағы халықаралық    математика пәні мұғалімдерінің олимпиадасында  ұстаздарымыз жеңімпаз атанды

 2019 жылдың 13 - 15 мамыр күндері Қызылорда қаласында «Қазақстандық математика мұғалімдері  қауымдастығы» республикалық қоғамдық бірлестігінің  ұйымдастырумен   18-35 жас аралығындағы математика пәні мұғалімдері үшін академик А.Жұмаділдаев атындағы олимпиадасы өтті.

 Олимпиада мақсаты – жастардың білімге құштарлығын ояту,  шығармашылық қабілетін дамыту, пәнге деген қызығушылығын арттыру және логикалық ойлау қабілеттерін оята отырып танымдық қабілеттері мен ой өрісін арттыру.

 Олимпиада мазмұны кәсіби құзіреттіліктерді оңтайлы игергенін және білім беру үрдісінде кәсіби педагогикалық шеберліктерін көрсетуге мүмкіндік беретін олимпиада тапсырмаларын қарастырды. Олимпиада теориялық, методикалық есептерден тұратын екі бөлім қарастырылған.

 Олимпиада қорытындысы бойынша:

• Тараз қаласы №49 мектеп-гимназиясының математика пәні мұғалімі Муратбаев Айбек Серикович жүлделі II – орын;
• Облыстық ерекше дарынды балаларға арналған мамандандырылған Дарын мектеп-интернатының математика пәні мұғалімі Рысбаев Жомарт Бейбитханович жүлделі III – орын.

Сонымен қатар Тараз қаласы Б.Момышұлы атындағы №45 қазақ классикалық гимназиясының математика пәні мұғалімі Кеңесов Бауыржан Бақытжанұлы мен облыстық Айша-бибі атындағы дарынды қыз балаларға арналған мамандандырылған «Білім-инновация» мектеп-интернатының математика пәнінің мұғалімі Киікбаева Жаңагүл Даулетқызы алғыс хаттармен марапатталды.

Педагогтарымызды жеңісімен құттықтаймыз!

«Тәжірибедегі рефлексия: табысты тәжірибе  (Action Research)» тақырыбында облыстық  семинар өтті

Жамбыл облысы әкімдігі білім басқармасының оқу-әдістемелік кабинеті Педагогикалық шеберлік орталығымен бірлесе отырып, 2019  жылдың  16 мамыр  күні «Тәжірибедегі рефлексия: табысты тәжірибе  (Action Research)»  тақырыбында   мектеп тренерлеріне  арналған облыстық  семинар    өткізді.  

      Педагогикалық шеберлік орталығы Тараз қаласындағы филиалының базасында  өткен іс-шараға 66  педагог қызметкерлері қатысты.

Іс-шара бағдарламасына сәйкес қатысушылар аналитикалық жазбаның құрылымдары, курстан кейінгі қолдау көрсету арқылы мұғалімдердің рефлексия жазу дағдыларын дамыту жолдары, тәлімгерліктің негізгі сипаттамасы,  құнды нәтижеге жеткізетін іс-әрекеттер бойынша тәжірибе алмасты.  

Облыстың математика және физика пәнінің мұғалімдеріне ғылыми-тәжірибелік конференция өтті

2019 жылдың 15 мамырында Жамбыл облысы әкімдігі білім басқармасының оқу-әдістемелік кабинетінің ұйымдастыруымен облыстық дарынды ер балаларға арналған мамандандырылған «Білім - Инновация»   мектеп-интернатының базасында  облыстың математика, физика пәні мұғалімдеріне «Сабақты зерттеу – мұғалімнің  кәсіби дағдыларын   жетілдіру   тәсілі   ретінде»   атты ғылыми-практикалық конференция  өткізілді. 

Ғылыми-практикалық конференцияның мақсаты – математика, физика пәні мұғалімдерінің шығармашылық, кәсіби құзіреттілік деңгейлерін арттыру.

Ғылыми-практикалық конференцияның жұмыс мазмұны пленарлық және секциялық отырыс форматында өтіп, конференцияға қатысушылар 2 бағытта жұмыс жүргізді.

Конференция барысында математика және физика пәні мұғалімдері оқыту мен оқу үдерісін жақсарту мақсатында сабақты зерттеу әдісін өз пәндерінде жүзеге асыруы, қолдануы  туралы өз ойларын ортаға салып, тәжірибе алмасты.

Аталған іс-шараға облыстың  93  педагогі қамтылды.