«Қазақ тілі» пәнінен қорытынды аттестаттау тапсырмаларының ерекшеліктері», «Қазақ тілі мен әдебиеті» пәнінен аралық аттестаттау тапсырмаларын құрастырудың ерекшеліктері» тақырыптарында облыстық вебинар өтті

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 11 наурыз күні «1+10 шеберлік мектебі» жобасы аясында педагог-модераторлар үшін «Қазақ тілі» пәнінен қорытынды аттестаттау тапсырмаларының ерекшеліктері», «Қазақ тілі мен әдебиеті» пәнінен аралық аттестаттау тапсырмаларын құрастырудың ерекшеліктері» тақырыптарында облыстық вебинар өтті.
Іс-шара барысында Жамбыл ауданы, Б.Бесбаев атындағы гимназиясының қазақ тілі мен әдебиеті пәнінің мұғалімі З.Үсенбаева 9-сыныптардағы қорытынды аттестаттаудың талаптарын, емтихан жұмысының сипаттамасын, балдар мен бағаларды қою үдерісін, емтихан барысында келетін тапсырмалармен жұмыс түрлерін көрсетсе, Меркі ауданы, И.Трубицын атындағы мектеп-лицейінің қазақ тілі мен әдебиеті пәнінің мұғалімі Н.Бектіғұлова академиялық жыл аяқталған кезде оқыту қазақ тілінде жүргізілетін сыныптарға «Қазақ тілі» және оқыту өзге тілде жүргізілетін сыныптарға «Қазақ тілі мен әдебиеті» пәндері бойынша МЖМБС-қа (тыңдалым, айтылым, оқылым, жазылым) сәйкес жазбаша нысанда өтетіндігіне тоқталды. Әрбір дағдыға сәйкес нақты оқу мақсаттары талданып, әдістемелік ұсынымды тиімді қолдану жолдары бойынша тәжірибе алмасты.
Аталған іс-шараға 60 педагог қатысты.

9-сыныптарға арналған қорытынды аттестаттау талаптары мен тапсырма құрастыру жолдары» атты қазақ тілі мен әдебиеті пәнінің мұғалімдеріне онлайн семинар өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 5 наурызында аудандар мен Тараз қалалық білім бөлімдерінің әдіскерлері мен қазақ тілі мен әдебиеті пәнінің мұғалімдеріне 9-сыныптардағы қорытынды аттестаттаудың талаптарын, емтихан жұмысының сипаттамасын, балдар мен бағаларды қою үдерісін, емтихан барысында келетін тапсырмалармен жұмыс түрлерін меңгерту, орта білім беру ұйымдарына әдістемелік көмек көрсету мақсатында «9-сыныптарға арналған қорытынды аттестаттау талаптары мен тапсырма құрастыру жолдары» тақырыбында облыстық онлайн семинар өтті.
Іс-шара барысында «Қазақ тілі», «Қазақ әдебиеті», «Қазақ тілі мен әдебиеті» пәндері бойынша оқу бағдарламасының көлемін білім алушылардың меңгеру деңгейі негізгі орта білім берудің мемлекеттік жалпыға міндетті білім беру стандартына тоқталып, арнайы тест спецификациясының талаптарына сай балл қою шәкілін түсіндірді.
Білім алушыларды қорытынды аттестаттау қалыптастырушы және жиынтық бағалауды қамтитын критериалды бағалау жүйесінің бөлігі екендігі айтылып, емтихан жұмысының сипаттамасы мен бағалау міндеттері бойынша бағалау кестесіне тоқталды.
Облыстық онлайн семинарға аудандар мен Тараз қалалық білім бөлімдерінен 100 педагог қатысты.

«Математикалық регата» олимпиадасы өтті

2024 жылдың 5 наурыз күні Жамбыл облысы әкімдігінің білім басқармасының облыстық оқу-әдістемелік орталығының ұйымдастыруымен математика пәнінің мұғалімдері арасында «Математикалық регата» облыстық олимпиадасы өтті.
Педагогтердің кәсіби қызметінде жоғары нәтижелерге жетуде ұмтылысын арттыру, озық тәжірибені анықтау мақсатында өткізілген олимпиадаға облыстың математика пәнінен сабақ беретін 19 мұғалімі қатысты. Олимпиаданың 4 кезеңінде 3 есептен (алгебралық, геометриялық, логикалық) жалпы 12 тапсырма қамтылды.
Олимпиаданың нәтижесінде І орынды Тараз қаласы, облыстық дарынды балаларға арналған мамандандырылған лицейінің математика пәнінің мұғалімі Д.Бәйдібек, ІІ орынды Тараз қаласы "125 Education" ЖШС орта мектебінің математика пәнінің мұғалімі А.Әзімжанов және облыстық дарынды ер балаларға арналған мамандандырылған «Білім-инновация» лицей-интернатының математика пәнінің мұғалімі Н.Серікбаев, ІІІ орынды облыстық дарынды балаларға арналған мамандандырылған «Дарын» лицей- интернатының математика пәнінің мұғалімі Н Давлетбаев, Байзақ ауданы Ғ.Мұратбаев атындағы гимназияның математика пәнінің мұғалімі М.Ерманова, Сарысу ауданы Д.Сенбин атындағы орта мектебінің математика пәнінің мұғалімі Е.Нурланбаев және Мойынқұм ауданы Қ.Рысқұлбеков атындағы орта мектебі математика пәнінің мұғалімі Г.Балыкбаева иеленді. Алғысхатпен облыстық дарынды балаларға арналған мамандандырылған IT лицей-интернатының математика пәнінің мұғалімі Р.Тұрғанбаев, Меркі ауданы №17 мектеп-гимназиясының математика пәнінің мұғалімі И.Кудаева, Талас ауданы Б.Әлменұлы атындағы орта мектебінің математика пәнінің мұғалімі М.Избасов, Т.Рысқұлов ауданы А.Шынасилов атындағы орта мектебінің математика пәнінің мұғалімі Г.Самбеткулова марапатталды.
Педагогтерді жеңісімен құттықтаймыз!

«СабақTime» жобасы аясында тарих пәні мұғалімдеріне арналған «Тарих сабағында білім алушылардың коммуникативтік дағдыларын қалыптастыру» тақырыбында облыстық ашық сабақтар циклы өтті

2024 жылдың 5 наурыз күні облыстық оқу-әдістемелік орталығының ұйымдастыруымен тарих пәнін оқытуда педагогтердің тәжірибелік және пәндік құзыреттіліктерін арттыру, тәжірибе алмасу мақсатында педагогтер Тараз қаласы Қ.Тұрысов атындағы №53 мектеп-гимназиясының 8-11 сыныптарында ашық сабақтар өткізді.
Іс-шара барысында тарих сабақтарында білім алушылардың коммуникативтік дағдыларын қалыптастыру, пәнді оқытуда құндылыққа бағдарланған білім беру, заманауи әдістемелер мен педагогикалық технологиялар, білім берудің сапасын арттыруда ақпараттық-коммуникативтік технологияларды пайдаланудың, білім алушылардың оқу сауаттылығын арттырудың тиімді жолдары талқыланды.
Іс-шараның тәжірибелік кезеңінде Тараз қаласы мен Жуалы, Меркі, Т.Рысқұлов, Сарысу, Шу аудандарының педагогтері Қазақстан тарихы, дүниежүзі тарихы, құқық негіздері пәндерінен «Франция мен Испаниядағы «Халық майданы» қаншалықты тұрақты болды?» /8 сынып/, «Қаныш Сәтбаев – жан-жақты ғалым» /8 сынып/, «Кімдер сыбайлас жемқорлықтың субъектілері болып табылады?» /9 сынып/, «Қазақстан Республикасында отбасылық қарым-қатынастардың құқықтық реттелуі» /10 сынып/, «Ұлттық мемлекеттіліктің жаңғыртылуы» /10 сынып/, «Қазақстан қоғамының жалпыұлттық құндылықтары» /11 сынып/ тақырыптарында ашық сабақтар көрсетіп, іс-тәжірибелерімен бөлісті.
Аталған іс-шараға облыс аудандары мен Тараз қаласының тарих пәнінің және «1000 мектеп» жобасына енген мектептердің пән мұғалімдері, барлығы 50 педагог қатысты.