БАСТЫ БЕТ

«СабақTime» жобасы аясында тарих пәні мұғалімдеріне арналған «Тарих сабақтарында белсенді оқу әдістерін қолданудың тиімді жолдары» тақырыбында облыстық ашық сабақтар циклы өтті

2024 жылдың 31 қаңтар күні облыстық оқу-әдістемелік орталығының ұйымдастыруымен тарих пәнін оқытуда педагогтердің тәжірибелік және пәндік құзыреттіліктерін арттыру, тәжірибе алмасу мақсатында педагогтер Тараз қаласы Керімбай атындағы №12 мектеп-гимназиясының 9-11 сыныптарында ашық сабақтар өткізді.
Іс-шара барысында тарих сабақтарында белсенді оқу әдістерін қолдану, пәнді оқытуда құндылыққа бағдарланған білім беру, заманауи әдістемелер мен педагогикалық технологиялар, білім берудің сапасын арттыруда ақпараттық-коммуникативтік технологияларды пайдаланудың, білім алушылардың оқу сауаттылығын арттырудың тиімді жолдары талқыланды.
Іс-шараның тәжірибелік кезеңінде Тараз қаласы мен Меркі, Қордай, Т.Рысқұлов, Сарысу, Шу аудандарының педагогтері Қазақстан тарихы, дүниежүзі тарихы негіздері пәндерінен «Ақ Орда - Қазақ хандығының негізі» /10 сынып/, «Германдық әлеуметтік-нарықтық шаруашылық ерекшіліктері қандай?» /9 сынып/, «ХІХ ғасырдағы қазақ ағартушыларының қоғамдық-саяси көзқарастары» /11 сынып/, «Қазақ хандығы: мемлекеттің саяси институттары» /10 сынып/, «Қазақстан Республикасы тәуелсіздігінің жариялануы» /9 сынып/ тақырыптарында ашық сабақтар көрсетіп, іс-тәжірибелерімен бөлісті.
Облыстық ашық сабақтарға облыс аудандары мен Тараз қаласының тарих пәні мұғалімдері, «1000 мектеп» жобасына енген мектептердің пән мұғалімдері, барлығы 50 педагог қатысты.

«Зерде» жобасы аясында жаратылыстану-математикалық бағыттағы пәндерді оқытатын жас мамандарға ашық есік күні өтті

2024 жылдың 31 қаңтар күні облыстық оқу-әдістемелік орталығы адрестік көмек көрсету бағдарламасы негізінде жаратылыстану-математикалық бағыттағы пәндерді оқытатын жас мамандардың кәсіби құзыреттілігін арттыру, әдістемелік көмек көрсету мақсатында облыстық дарынды ер балаларға арналған мамандандырылған «Білім-Инновация» лицей-интернатының озық тәжірибелі педагогтерінің қатысуымен «Үздіксіз ізденіс, зерттеу және еңбек – жетістікке жетудің кепілі» тақырыбында ашық есік күнін өткізді.
Іс-шара барысында оқушылардың функционалдық сауаттылығын, білім сапасын арттыруда ақпараттық-коммуникативтік технологияларды пайдаланудың тиімділігі, PISA халықаралық зерттеуінде, ҰБТ-да, ББЖМ-де кездесетін әртүрлі мән-мәтіндегі тапсырмалар мен мәселелерді шешудің тиімді жолдары, математикалық пайымдау, креативті ойлауды дамыту тапсырмаларын бағалау критерийлерін нақтылап, сабақты тиімді жоспарлау мен оқушылардың күнделікті өміріне қажетті дағдыларды қалыптастыруға ықпал ететін тың идеяларымен бөлісті, өзара тәжірибе алмасты, әдістемелік көмек көрсетілді.
Аталған іс-шараға облыстың 65 педагог қатысты.

«Система работы по подготовке учащихся к ЕНТ по русскому языку и литературе» тақырыбында облыстық семинар-практикум өтті

2023 жылдың 24 қазан күні облыстық оқу-әдістемелік кабинетінің ұйымдастыруымен аудандар мен Тараз қаласының орыс тілі мен әдебиеті пәнінің мұғалімдерінің кәсіби құзыреттіліктерін арттыру, оларға әдістемелік көмек көрсету мақсатында облыстық семинар-практикум өтіп, Ұлттық Бірыңғай тестілеудің жаңа форматы, оқушылардың оқу сауаттылығын қалыптастыру жолдары, мәтінмен жұмыс түрлері бойынша ақпарат ұсынылып, дидактикалық материалдар таратылды.
Іс-шараға аудандық білім бөлімдерінің әдіскерлері, орыс тілі мен әдебиеті пәнінің мұғалімдері, барлығы 240 педагог қатысты.

Мемлекеттік аттестациядан өтетін Мойынқұм ауданы, Қ.Сәтбаев атындағы орта мектебіне «Жаһандық құзыреттер курсын оқытуды ұйымдастыру» бойынша әдістемелік көмек көрсетілді

2023 жылдың 24 қазан күні облыстық оқу-әдістемелік орталығының ұйымдастыруымен Мойынқұм ауданының білім бөлімінің Қ.Сәтбаев атындағы шағын орталықты орта мектебінің педагогтеріне ақпараттық-әдістемелік көмек көрсету мақсатында «Жаһандық құзыреттер курсын оқытуды ұйымдастыру» тақырыбында облыстық семинар өткізілді.
Облыстық семинар барысында «Жаһандық құзыреттер» курсы 5-9 сыныптарда 2022 жылғы 21 қараша айының №467 бұйрығымен бекітілгендігін, 10-11 сыныптарда 2022 жылғы 16 қыркүйектегі №399 бұйрығымен бекітілген үлгілік оқу бағдарламалары негізінде жүргізілетіндігін ескере келе, сыныптар бойынша әр бөлімнің (юниттің) сағат санындағы өзгерістерге, бағдарлама бойынша әр сыныптың тақырыптарына талдаулар жасалды. «Жаһандық құзыреттер» курсын жүргізетін педагогтердің «Өрлеу» біліктілікті арттыру орталықтарынан курстан өту қажеттілігіне тоқталып, ақпараттық материалдарды ұсынды.

МЕМЛЕКЕТТІК АТТЕСТАТТАУДАН ӨТЕТІН БІЛІМ МЕКЕМЕЛЕРІМЕН ҰЙЫМДАСТЫРЫЛАТЫН ӘДІСТЕМЕЛІК ҚЫЗМЕТ БОЙЫНША КЕҢЕС ӨТТІ
2023 жылдың 24 қазанында Жамбыл облысы әкімдігі білім басқармасының оқу-әдістемелік орталығының ұйымдастыруымен аудандар мен Тараз қаласы білім бөлімдерінің әдістемелік кабинетінің меңгерушілерімен білім беру мекемелерін мемлекеттік аттестаттау нәтижелерінің қорытындысы бойынша облыстық кеңес өткізілді.
Кеңес барысында облыстық оқу-әдістемелік орталығының басшысы Ш.Усерова Жамбыл облысының білім саласында сапаны қамтамасыз ету департаментінің қазан айында жүргізген мемлекеттік аттестаттау нәтижелері бойынша мемлекеттік аттестаттау өлшемшарттарына сәйкес келмейтін білім беру ұйымдары және жіберілген кемшіліктер туралы, олардың алдағы уақытта нәтижелерге қол жеткізуіне ықпал етуге баса назар аудару қажеттігін айтты.
Кеңеске қатысушыларға мемлекеттік аттестаттау нәтижелерінің деңгейін арттыру бойынша әрі қарай бірлескен жұмыстарды жүргізу бағытында ақпараттық-әдістемелік көмектер көрсетіліп, дайындық жұмыстарының сапалы ұйымдастырылуы бойынша бірқатар ұсыныстар берілді.