«Оқуға құштар мектеп»  жобасы аясында білім беру ұйымдарының кітапханаларында  Сара Назарбаеваның 80 жас мерейтойына орай «Мейірімін төккен  ана», «Алтын  жүректі  ана»,    Ж.Жабаевтың    175 жылдық мерейтойына орай  «Жүз жасаған бәйтерек» тақырыптарында виртуалды көрмелер,  «Кітап оқып сурет сал»   байқауы, 6-7 сынып оқушылары  арасында «Ең үздік оқырмандар» байқауы,  4-сыныптар арасында «Кітап-ақылшы, сенімді дос» атты   шығарма   байқауы, «Алақандағы кітап» атты 3 - сыныптар арасында  оқу, әрі тыңдау сабақтары   ұйымдастырылып,   «Кітап – білім бұлағы»    тақырыбында  QR-кодталған кітаптар оқырмандарға таратылды.

            Іс – шараның мақсаты -  оқу мәртебесін, оқу белсенділігі және оқу сапасын арттыру, балалар мен жастардың мәдени және оқу құзыреттілігін дамыту, сондай-ақ жас ұрпақ бойында жоғары азаматтық және рухани-адамгершілік құндылықтарды қалыптастыру.

«Қысқы мектеп» жобасы аясында физика пәнінің мұғалімдеріне онлайн режимінде шеберлік сынып өтті

            2021 жылдың  22 ақпан күні облыстық оқу-әдістемелік кабинетінің ұйымдастыруымен ZOOM бейнебайланыс режимінде облыстық дарынды балаларға арналған мамандандырылған  «Дарын» мектеп-интернатының мұғалімі Досыбаев Жандос Ильясович «Физикадан күрделілігі жоғары есептерді шығару жолдары» тақырыбында физика пәнінің мұғалімдеріне арналған онлайн режимінде шеберлік сынып өтті.

            Іс-шара барысында физика пәнінен олимпиада және ҰБТ тапсырмаларында кездесетін  күрделілігі жоғары  есептерді шығарудың тиімді жолдарын, әдіс-тәсілдерін көрсетіп,  іс- тәжірибесімен бөлісті.

   Аталған іс-шараға облыстың 132 физика пәні мұғалімдері қатысты.

«9 сыныптарда география пәні бойынша қорытынды аттестаттауды ұйымдастыру, өткізу және бағалау ерекшеліктері» тақырыбында қашықтан вебинар өтті

       Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 23 ақпан  күні «9 сыныптарда география пәні бойынша қорытынды аттестаттауды ұйымдастыру, өткізу және бағалау ерекшеліктері»  тақырыбында география пәні әдіскерлері мен мұғалімдеріне арналған  вебинар  өтті. Вебинарға               223  педагог  қатысты.

          Вебинар барысында қашықтан  оқытуда білім алушыларды қорытынды аттестациялауға дайындауда мұғалімдердің кәсіби құзіреттілігін арттыру мақсатында кеңес беру жұмыстарын ұйымдастыру, өткізу және бағалау ерекшеліктеріне  бағытталған  әдістемелік кеңестер ұсынылды.

«Қашықтан оқыту жағдайындағы оқытудың белсенді әдіс-тәсілдері» тақырыбында онлайн режимінде тәжірибелік семинар өтті

Жамбыл облысы әкімдігі білім басқармасының оқу-әдістемелік кабинеті Педагогикалық шеберлік орталығы Тараз қаласындағы филиалымен бірлесе отырып, Назарбаев Зияткерлік мектептерінің  іс-тәжірибесін орта білім беру ұйымдарына трансляциялау бойынша іс-шаралар жоспарын орындау мақсатында ағымдағы жылдың 19 ақпан күні Жетекші мектептердің педагогтеріне арналған «Қашықтан оқыту жағдайындағы оқытудың белсенді әдіс-тәсілдері» тақырыбында онлайн режимінде тәжірибелік семинар өтті.  

Облыстық іс-шараға облыстық оқу-әдістемелік кабинетінің әдіскерлері, аудандық (қалалық) білім бөлімдерінің жауапты әдіскерлері, педагогикалық шеберлік орталығының қызметкерлері, облыстың Жетекші мектептердің үйлестірушілері мен педагогтері,  барлығы  205  білім қызметкерлері қатысты.

Іс-шара барысында тәжірибелік семинардың қатысушылары қашықтықтан оқытуда белсенді әдістерді бейімдеу жолдары, онлайн сабақта оқушы белсенділігін қамтамасыз ету бойынша тәжірибе алмасты.