Тірек мектептердің (Р.О.) жұмысын жетілдіру

«Халық қаҺарманы Бауыржан Момышұлы: ұмытылмас ерлігі мен тағылымдық мұрасы» тақырыбында облыстық конференция өтті

2020 жылдың 21 желтоқсан күні облыстық оқу-әдістемелік кабинетінің ұйымдастыруымен Кеңес Одағының батыры, Халық қаҺарманы Б.Момышұлының 110 жылдығына орай тарих пәнінің мұғалімдеріне арналған «Халық қаҺарманы Бауыржан Момышұлы: ұмытылмас ерлігі мен тағылымдық мұрасы» тақырыбында облыстық конференция өтті.

Іс-шараның мақсаты – Кеңес Одағының батыры, Халық қаҺарманы Б.Момышұлының өмір жолын, ерлігін, еңбектерін, тарихи мұрасын насихаттау.

Іс-шараға М.Х.Дулати атындағы Тараз өңірлік университетінің «Филология және журналистика» кафедрасының доценті, ф.ғ.к., «Бауыржантану» ғылыми-зерттеу орталығының ғылыми қызметкері Т.Мұқашев, «Қазақстан тарихы» кафедрасының аға оқытушысы Н.Мырзаханова, Жуалы ауданы Б.Момышұлы атындағы музейдің экскурсия жетекшісі Ұ.Исмаилова қатысты.

Облыстық конференция барысында педагогтарға Бауыржан Момышұлының өмір жолы, тарихи мұрасы, әдеби шығармалары, даңқты батыр, қолбасшының Ұлы Жеңіске қосқан үлесі, соғыс кезіндегі әскери тактикасы, қазақстандық патриотизмді қалыптастырудағы еңбектері, өсиет сөздері туралы ақпарат беріліп, дидактикалық материалдар таратылды.

Іс-шараға аудандар мен Тараз қалалық білім бөлімдерінен 11 әдіскер, 189 тарих пәнінің мұғалімі, барлығы 200 педагог қатысты.

«География сабақтарын қашықтан оқыту барысында критериалды бағалауды жүргізудің тиімді жолдары» тақырыбында география пәні мұғалімдеріне арналған онлайн режимінде облыстық шеберлік сынып өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2020 жылдың 20 желтоқсан күні «География сабақтарын қашықтан оқыту барысында критериалды бағалауды жүргізудің тиімді жолдары» тақырыбында облыстық география пәні мұғалімдеріне арналған онлайн режимінде облыстық шеберлік сыныбы өтті.

География пәні мұғалімдеріне оқушыларды қашықтан оқыту барысында критериалды бағалауды жүргізудің әдістерін, білім алуды дамытуға арналған тапсырмаларды құрастырудың тиімді жолдарын көрсете отырып, ақпараттық әдістемелік көмек көрсетілді.

Аталған іс-шараға барлығы 198 педагог қатысты.

«Қысқы мектеп» жобасы аясында география пәнінің мұғалімдеріне онлайн режимінде семинар өтті

2020 жылдың 15 желтоқсан күні облыстық оқу-әдістемелік кабинетінің ұйымдастыруымен ZOOM платформасында облыстық дарынды балаларға арналған мамандырылған «Дарын» мектеп-интернаты мен облыстық үштілде оқытатын дарынды балаларға арналған мамандандырылған мектептің тәжірибелі мұғалімдері «География сабағында ҰБТ-ға дайындаудың тиімді жолдары», «Критериальное оценивание на уроках географии как средство мотивации к учебной деятельности» тақырыптарында биология пәнінің мұғалімдеріне арналған онлайн режимінде семинар өтті.

Аталған іс-шараға облыстың 194 география пәні мұғалімдері қатысты.

Бауыржан Момышұлының 110 жылдығына арналған 5-11 сынып оқушылары арасында «Бауыржан Момышұлы - тұлға, азамат, стратег» TEDх форматындағы конференция өтті

Жамбыл облысы әкімдігі білім басқармасының оқу-әдістемелік кабинеті Тараз қаласындағы физика-математикалық бағыттағы Назарбаев Зияткерлік мектебімен бірлесіп, 2020 жылдың 15 желтоқсан күні Қазақ халқының ұлы перзенті, қаһарман жауынгер, даңқты қолбасшы, Кеңес Одағының Батыры, әйгілі жазушы Бауыржан Момышұлының 110 жылдығына орай «Бауыржан Момышұлы - тұлға, патриот, стратег» атты TEDх форматында облыстық конференция zoom платформасында өтті.

TEDх форматындағы конференцияға ЖОО-ның ғалымдары, Жамбыл облысындағы Бауыржан Момышұлы атындағы 7 мектеп пен Тараз, Шымкент қалаларындағы Назарбаев Зияткерлік мектептерінің және Москва қаласының Б.Момышұлы атындағы №1912 мектебінің жас спикерлері қатысып, өз идеяларымен бөлісті және «Бауыржан Момышұлы - тұлға, азамат, стратег» атты видео әзірленіп, көрсетілді.

TEDx конференциясының мақсаты – қазіргі заман тұрғысынан қазақ халқының көрнекті қайраткері Бауыржан Момышұлының өмір жолын жан-жақты және терең қарастыру мен халық батырының өнегелі мұрасын дәріптеу арқылы жастарға патриоттық тәрбие беру.

Конференция келесі бағыттар бойынша өткізілді:

«Бауыржан Момышұлы - тактикалық маневрлер мен стратегиялардың авторы»;
«Бауыржан Момышұлы - аңызға айналған адам және ерекше тұлға»;
«Бауыржан Момышұлының жолы - ар-ождан, мақтаныш және ар-намыстан төселген қайшылықтар жолы»;
Бауыржан Момышұлы: «Ата-баба дәстүрі мен әдет-ғұрпы - адамгершіліктің негізі»;
«Бауыржан Момышұлы: «Бір тілді білген - бір адам, екі тілді білген - екі адамға лайық»;
«Бауыржан Момышұлы - Александр Бектің «Волоколамск тас жолы» әскери романының кейіпкері»;
«Батыр атағын оған халық берді»;
«Бауыржан Момышұлының шығармаларындағы жазушылық дарыны».

«Оқыту үдерісінде графикалық органайзерлерді тиімді қолдану жолдары» тақырыбында семинар-практикум өтті

Жамбыл облысы әкімдігі білім басқармасының оқу-әдістемелік кабинеті Педагогикалық шеберлік орталығы Тараз қаласындағы филиалымен бірлесе отырып, 2020-2021 оқу жылына арналған жаңартылған орта білім мазмұнын енгізу жағдайында Назарбаев Зияткерлік мектептерінің іс-тәжірибесін орта білім беру ұйымдарына трансляциялау бойынша іс-шаралар жоспарын орындау мақсатында ағымдағы жылдың 14 желтоқсан күні «Оқыту үдерісінде графикалық органайзерлерді тиімді қолдану жолдары» тақырыбында семинар-практикум өтті.

Zoom платформасы арқылы өткен вебинарға 300 педагог қатысты.

Іс-шара барысында қашықтан оқыту кезінде кескін карталармен жұмыс жасауда графикалық органайзерлердің тиімділігі, графикалық органайзерлердің түрлері мен оларды қолдану жолдары талқыланды.