«Өзін-өзі тану пәні – рухани-адамгершілік тәрбиенің негізі» тақырыбында облыстық онлайн семинар-практикум өтті

Облыстық оқу-әдістемелік кабинетінің ұйымдастыруымен білім алушы жастарға рухани-адамгершілік тәрбие беру саласындағы білім беру ұйымдарының педагогикалық қызметкерлеріне әдістемелік қолдау көрсету мақсатында 2020 жылдың 11 желтоқсан күні «Өзін-өзі тану пәні – рухани-адамгершілік тәрбиенің негізі» атты облыстық семинар-практикум өтті.

Іс-шараға аудандар мен Тараз қаласынан 124 педагог қатысты.

Облыстық онлайн-жиналыс өтті

2020 жылдың 11 желтоқсан күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен «Қазақстан Республикасының білім беру және ғылымды дамытудың 2020-2025 жылдарға арналған мемлекеттік бағдарламасының орындалуы» бойынша аудандар мен Тараз қаласының әдістемелік кабинеті меңгерушілерінің қатысуымен онлайн-жиналыс өтті. Онлайн-жиналысқа 12 адам қатысты.

Онлайн-жиналыс барысында облыстық оқу-әдістемелік кабинетінің басшысы Ш.Усерова аудандар мен Тараз қаласының әдістемелік кабинет меңгерушілеріне Қазақстан Республикасының білім беру және ғылымды дамытудың 2020-2025 жылдарға арналған мемлекеттік бағдарламасының орындалуы және білім мекемелерінің педагогтерін әдістемелік қолдау жұмыстарын инновациялық бағытта дамыту бойынша бірқатар  жұмыстардың  жүйелі жүргізілуі туралы  ұсыныстар айтты.

Жуалы, Қордай және Мойынқұм аудандарының әдістемелік кабинет меңгерушілері Қазақстан Республикасында білім беруді және ғылымды дамытудың 2020-2025 жылдарға арналған  мемлекеттік бағдарламасын бекіту аясында әдістемелік кабинеттердің жұмысы туралы және алдағы уақытта мемлекеттік бағдарламалар аясында жүргізілетін жұмыстарының орындалуы туралы баяндап, қатысушылармен өз іс-тәжірибелерімен бөлісті.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен Жамбыл облысы әкімдігі білім басқармасының «16 желтоқсан – Қазақстан Республикасы Тәуелсіздігі күніне орай өткізілетін іс-шаралар жоспарының» 4-тармағын орындау мақсатында   2020 жылдың 11 желтоқсан күні қазақ тілі мен әдебиеті пәнінің мұғалімдері үшін «Тәуелсіздік жылдарындағы қазақ әдебиетін оқытудың өзектілігі мен тәжірибесі» тақырыбында облыстық онлайн семинар өтті.

Онлайн семинарға 295 қазақ тілі мен әдебиеті пәнінің мұғалімдері қатысты.

Іс-шара барысында мектеп бағдарламасына сәйкес қазақ әдебиеті оқулықтарындағы тәуелсіздік жылдарында жарық көрген шығармаларға талдау жасалды. Тәуелсіздік жылдарындағы әдебиетті оқытудың тиімді жолдарымен бөлісу, озық тәжірибелер таратылды. Қазақстанның тәуелсіздік жылдарындағы қазақ әдебиетін оқытудың тәрбиелік аспектісі жайлы кеңінен тоқталды.

«Шығармашылық шеберхана» тақырыбында облыстық шеберлік сынып өтті

Облыстық оқу-әдістемелік кабинетінің ұйымдастыруымен 2020 жылдың   11 желтоқсан күні «Үздік педагог шеберханасы: Ізденіс. Тәжірибе. Нәтиже»  жобасының аясында республикалық  «Үздік педагог-2015» байқауының жеңімпазы облыстық дарынды балаларға арналған мамандандырылған               IT лицей-интернатының тарих пәнінің мұғалімі І.Г.Өтегенованың «Шығармашылық шеберхана» тақырыбында ZOOM платформасында облыстық шеберлік сынып өтті.

Шеберлік сынып барысында  педагогтың оқу-әдістемелік қызметі, қолданылатын оқыту технологиялары мен әдістерінің сипаттамасы, қосымша оқу және оқудан тыс қызметтің сипаттамасы, ғылыми-зерттеу қызметі, педагогикалық тәжірибені жинақтау және тарату бойынша электронды партфолиосымен таныстырып өтті. 

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар,  жалпы 198 педагог қатысты.