«Жасөспірімдер арасындағы тұлғааралық қақтығыстарды  шешу мен алдын  алу  шараларын қалыптастыру жолдары» тақырыбында  облыстық   вебинар  (zoom  бейнебайланыс режимінде)   өтті

2021 жылдың 11  ақпан  күні  мектеп  директорының  құқықтық,  тәрбие  ісі жөніндегі  орынбасарларына,  сынып жетекшілерге  арналған  «Жасөспірімдер арасындағы тұлғааралық қақтығыстарды  шешу мен алдын  алу  шараларын қалыптастыру жолдары» тақырыбында  облыстық   вебинар  (zoom  бейнебайланыс режимінде)  өткізілді.  Аталған іс-шараға барлығы  126 педагог  қатысты.  

Вебинарға қатысушылар тәрбиенің құқықтық бағыты  бойынша жүргізілетін  жұмыстарды  ұйымдастыру  бойынша  әдістемелік көмектер  алды, тиімді әдіс-тәсілдері жайлы ой бөлісті, тәжірибе  алмасты  және таратпалы материалдармен  қамтамасыз  етілді.

«Инклюзивті білім беру жағдайында оқу процесін ұйымдастыру жолдары» тақырыбында облыстық  онлайн-кеңес  өтті

Жамбыл облысы әкімдігі білім басқармасының оқу-әдістемелік кабинеті 2021  жылдың 10 ақпан  күні  аудандық (қалалық) білім бөлімдерінің жауапты әдіскерлері, әлеуметтік педагогтер, психологтар мен үйден оқытылатын оқушыларға сабақ беретін педагогтар үшін «Инклюзивті білім беру жағдайында оқу процесін ұйымдастыру жолдары»  тақырыбында облыстық  онлайн-кеңес  өткізілді.

«Zооm» бейнебайланыс арқылы  өткен іс-шараға  220 педагог қатысты. 

Іс-шара қатысушылары ерекше қажеттіліктері бар оқушылармен жүргізілетін  жұмыс  түрлері, қазақ тілі мен әдебиеті сабақтарында графикалық органайзерлерді қолдану, «Уроки-помощники» электронды оқулықтың тиімді тұстары мен  жасаудың тәсілдері,  қалыптастырушы бағалау тапсырмалары мен  БЖБ, ТЖБ өткізу тәртіптері бойынша тәжірибе алмасты.

«Педагог мәртебесі туралы Заңы:  мазмұны мен тәжірибе»  тақырыбында вебинар өтті

Жамбыл облысы әкімдігі білім басқармасының оқу-әдістемелік ағымдағы жылдың  11 ақпан  күні облыстық оқу-әдістемелік кабинетінің базасында  «Ауыл мектебі» жобасына енген Байзақ ауданы Н.Ақшабаев атындағы орта мектебі, Жамбыл ауданы Б.Бесбаев атындағы мектеп-гимназиясының  бастауыш сынып мұғалімдеріне арналған «Педагог мәртебесі туралы Заңы: мазмұны мен тәжірибесі» тақырыбында онлайн режимінде вебинар  өтті.

Zoom  бейнебайланыс режимі арқылы өткен вебинарға   32 педагог қатысты.

Іс-шара барысында вебинар қатысушылары 2019 жылдың                           27 желтоқсанында қабылданған  «Педагог мәртебесі туралы» Заңның негізінде бекітілген 2020-2021 оқу жылында орта білім беру жүйесінде басшылыққа алынатын нормативтік-құқықтық актілер,   педагогтерге біліктілік санаттарын беру (растау) қағидалары,  портфолиоға қойылатын талаптар, электронды портфолио үлгісі бойынша тәжірибе алмасты. 

Маңғыстау облысының білім беру ұйымдарының математика – жаратылыстану  бағытындағы пән мұғалімдеріне тәжірибе алмасу вебинары өтті.

             2021 жылдың 10 ақпан күні Маңғыстау облысының математика – жаратылыстану  бағытындағы педагогтары «Халықаралық зерттеулер - оқушының функционалдық сауаттылығын арттырудың тиімді бағдарламалары» тақырыбында тәжірибе алмасу вебинары өтті.

Жамбыл облысы әкімдігі білім басқармасының оқу-әдістемелік кабинетінің бөлім жетекшісі, халықаралық зерттеулер бойынша облыстық координатор Ш.Жамалбекова тәжірибелік таныстырылым арқылы оқушылардың функционалдық сауаттылықтарын қалыптастыру бағытындағы жұмыстарға тоқталды.

Вебинар барысында Тараз қаласы Б.Момышұлы атындағы №45 гимназияның, Жамбыл атындағы №5 мектеп-гимназияның, Т.Рысқұлов ауданы №3 орта мектептің пән мұғалімдері математикалық, жаратылыстану және оқу  сауаттылықтары бойынша тапсырмаларды орындаудың тиімді жолдарын көрсетті.

Аталған вебинарға Ақтөбе облысының  267  математика – жаратылыстану  бағытындағы пән мұғалімдері қатысты.

Іс-шара барысында Маңғыстау облыстық оқу-әдістемелік және қосымша білім беру орталығының директоры м.а А.А.Кашкинов, жаратылыстану-математика бөлімінің жетекшісі Ш.О.Қиянова халықаралық зерттеулер бойынша ашық диалогтық алаңда іс-тәжірибе алмасу бағытында Жамбыл облысы әкімдігі білім басқармасының оқу-әдістемелік кабинетінің ұжымына алғыстарын білдірді.