«Аймақ әдебиеті мұралары: ізденіс, тәжірибе» атты облыстық диалог алаңы өтті.
Қазақстан Республикасы Президентінің жанындағы Мемлекеттік басқару академиясының Жамбыл облысы бойынша филиалы мен Жамбыл облысы әкімдігінің білім басқармасының оқу-әдістемелік орталығының ұйымдастыруымен аймақ әдебиетін насихаттау, ақын-жазушылардың шығармашылығын дәріптеу арқылы қазақ әдебиеті пәнін оқытудың өзекті мәселелерін шешуге және білім сапасын арттырудың ұтымды жолдарын айқындауға жұмылдыру мақсатында 2023 жылдың 26 мамыр күні «Аймақ әдебиеті мұралары: ізденіс, тәжірибе» тақырыбында қазақ тілі мен әдебиеті пәнінің мұғалімдеріне арналған облыстық диалог алаңы өтті.
Іс-шараға Халықаралық ақпараттандыру академиясының академигі, аймақтық менеджмент академиясының, Қазақстан Жазушылар одағының, журналистер одағының мүшесі, Ш.Мұртаза атындағы Халықаралық Тараз универмитетінің профессоры, филология ғылымдарының кандидаты Меңдібай Әбілұлы, Шерхан Мұртаза атындағы руханият және тарихтану орталығының бөлім меңгерушісі Қожамарова Назым қатысып, қазақ әдебиетін оқытудың тиімді жолдары туралы тұшымды ойларымен бөлісті. Тәжірибелі педагогтер «Қазақ әдебиетін оқытуда балалар әдебиетінің алатын орны», «Аймақ ақын-жазушылары шығармаларының идеялық-көркемдік ерекшелігі», «Шерхантану-жазушының алтын қазығы», «Жамбыл жауһарлары», «Шерхантану» курсы және Шерхан шығармаларын оқытудың өзекті мәселелері», «Бауыржантану» курсындағы патриотизм мен ұлттық құндылықтар-жеке тұлға азаматтығын тәрбиелеудің құралы», «Асанбайтану» клубы, «Әулиеата әдебиеті және оның рухани құндылықтары» тақырыптарында ой бөлісті.
Іс-шара барысында педагогтер жергілікті ақын-жазушылардың шығармалары насихатталып, тарихи-мәдени мұрасын сақтау және дамыту, оны одан әрі байыту, олардың негізінде жас ұрпаққа жалпыадамзаттық құндылықтарды дәріптеу туралы ой қозғады.
Қазақ тілі мен әдебиеті пәні мұғалімдерінің кәсіби құзіреттіліктерін, әлеуметтік мәртебесін және шығармашылық потенциалын арттыру, кәсіби шеберліктерін жетілдіруіне жағдай жасау мақсатында пән мұғалімдеріне ақпараттық-әдістемелік көмек көрсетілді.
Дөңгелек үстелге 55 педагог қатысты.

«Особенности преподавания и пути повышения качества знаний по русскому языку и литературе»
тақырыбында әдістемелік вебинар өтті

2023 жылдың 25 мамыр күні облыстық оқу-әдістемелік орталығының ұйымдастыруымен Қордай, Меркі, Мойынқұм, Т.Рысқұлов, Шу аудандары мен Тараз қаласының орыс тілі мен әдебиеті пәні мұғалімдерінің кәсіби құзыреттіліктерін арттыру, оларға әдістемелік көмек көрсету мақсатында әдістемелік вебинар өтті.
Іс-шара барысында педагогтерге орыс тілі мен әдебиеті пәнін оқытудың ерекшеліктері, білім беруді дамытудағы нормативтік-құқықтық актілері мен ұсынымдар, білім алушылардың білім жетістіктерін мониторингілеу, ҰБТ-ге дайындық, оқу сауаттылығындағы мәтін түрлері мен оларға қойылатын талаптар бойынша әдістемелік ұсынымдар берілді.
Әдәстемелік вебинарға аталған аудандар мен Тараз қаласының әдіскерлері, орыс тілі мен әдебиеті пәнінің мұғалімдері, барлығы 170 педагог қатысты.

«Әулиеата өлкесіндегі саяси қуғын-сүргін саясаты мен қазақ зиялылары» тақырыбында облыстық ашық диалог алаңы өтті

2023 жылдың 26 мамыр күні облыстық оқу-әдістемелік орталығының ұйымдастыруымен 31 мамыр – Саяси қуғын-сүргін және ашаршылық құрбандарын еске алу күніне орай облыс аудандары мен Тараз қалалық білім бөлімдерінің әдіскерлері, тарих пәні мұғалімдеріне арналған «Әулиеата өлкесіндегі саяси қуғын-сүргін саясаты мен қазақ зиялылары» тақырыбында облыстық ашық диалог алаңы өтті.
Іс-шараның мақсаты – ұлт зиялыларының тарихтағы рөлін айқындау. Қазақстан Республикасының өткен тарихын зерттеу барысында тарихшы-ғалымдардың еңбектерін насихаттау.
Іс-шараға Алматы қаласы Әл-Фараби атындағы Қазақ ұлттық университетінің докторанты И.Шакирбаева, М.Х.Дулати атындағы Тараз өңірлік университетінің «Тарих және география» кафедрасының аға оқытушысы А.Көбесова қатысты.
Ашық диалог алаңы барысында педагогтерге саяси қуғын-сүргін жылдарының қазақ тарихында алатын орны, өлкедегі, Қазақстандағы репрессиялардың ауқымдары мен зардаптары, ашаршылық жылдарының салдары сөз етілді. Бүгінде Қазақстан тарихындағы тәуелсіздік тарихын зерттеп жүрген ғалымдардың ой-пікірлері, дереккөздер, зерттеу жұмыстары талқыланды.
Іс-шараға ЖОО ғалымдары, оқытушылар, облыс аудандары мен Тараз қалалық білім бөлімдерінің әдіскерлері, тарих пәні мұғалімдері барлығы 212 педагог қызметкер қатысты.

«BILIM FM мектеп радиосы» атты облыстық байқауы өтті

Жамбыл облысы әкімдігі білім басқармасының оқу-әдістемелік кабинетінің жылдық жоспарына сәйкес 2023 жылдың 25 мамыр күні облыстық оқу - әдістемелік орталығының мәжіліс залында «BILIM FM мектеп радиосы» атты облыстық байқауы өткізілді. Байқауға білім беру ұйымдарынан 15 оқушы қатысты.
Іс-шараның мақсаты - оқушылардың туған өлке тарихына, мәдени деңгейін арттыруға және шығармашылық қабілеттерін жетілдіру.
Байқауға қатысушылар «Жаңа күн», «Туған өлке», «Сен білесің бе?», «Қазақ эпостары» бағдарламалары бойынша радио жұмыстарын ұсынды.
Байқаудың қорытындысы бойынша Байзақ ауданы, Н.Киікбаев атындағы мектеп-гимназиясының оқушысы Н.Архабек І орынды, Т.Рысқұлов ауданы, Құлан мектеп-гимназиясының оқушысы С.Рысбек, Меркі ауданы, №16 жалпы орта білім беретін мектебінің оқушысы М.Шарип, А.Бадалова ІІ орынды, дарынды балаларға арналған мамандандырылған лицей-интернатының оқушысы Ш.Қуаныш, Жуалы ауданы, Ә.Бөкейхан атындағы №15 мектеп-лицейінің оқушысы Ж.Мекенбай ІІІ орындарды иеленді.

Облыстық байқауда жүлделі орын алған оқушыларды құттықтаймыз!