Оқу-әдістемелік кабинеті туралы

«ЖАҢАРУ ЖАРШЫСЫ-2023» ЖЕТЕКШІ МЕКТЕПТЕРДІҢ ІV ӨҢІРАРАЛЫҚ ФОРУМЫ ӨТТІ

Жамбыл облыстық білім басқармасының оқу-әдістемелік кабинеті мен Педагогикалық шеберлік орталығының Тараз қаласындағы филиалы бірлесіп, 2023 жылдың 12 мамырында жоғары кәсіби педагогикалық қоғамдастығын құру арқылы жетекші мектептер педагогтерінің, оның ішінде жас педагогтардың жұмыс тәжірибесімен алмасу және өзара әрекеттесу алаңын құру мақсатында «Жаңару жаршысы-2023» атты жетекші мектептердің ІV өңіраралық форумын өткізді.
Форумға Жамбыл, Жетісу, Қызылорда, Түркістан облыстары мен Шымкент қаласының жетекші мектептерінің педагогтері, облыстық, аудандық оқу-әдістемелік кабинеттердің әдіскерлері, Педагогикалық шеберлік орталығының Тараз, Талдықорған, Қызылорда, Шымкент қаласындағы филиалының қызметкерлері, барлығы 300 білім қызметкері қатысты.
Өңірдегі жетекші мектептердің өзара тәжірибе алмасуы мақсатында «Жетекші мектептердің кәсіби қоғамдастықтарының табысты тәжірибесі» атты көрме ұйымдастырылды.
Өңіраралық форумның жұмысы «Жетекші мектеп: табыстылық траекториясы» тақырыбындағы пленарлық бөлімінде ашық мінбеде педагогтер жаңашыл идеяларымен бөлісіп, түрлі өңірден келген педагогтердің іс-тәжірибе алмасуына бағытталған территориялық отырыстармен жалғасты.
Сондай-ақ форум аясында «Өзгерістерді басқару: механизмдер, құралдар, ресурстар» тақырыбында жетекші мектеп басшыларымен нетворкинг жұмысы және «Педагогикалық қоғамдастық: мәселелер мен шешімдер» тақырыбында питч-сессия ұйымдастырылды.
«Жаңару жаршысы-2023» жетекші мектептердің ІV өңіраралық форумының жұмысы қатысушылардың «Форум барометрі» кері байланысымен қорытындыланды.

«СабақTime» жобасы аясында «Информатика пәнін оқытудағы тиімді әдіс-тәсілдер» тақырыбында ашық сабақтар циклы өтті

Облыстық оқу-әдістемелік кабинетінің ұйымдастыруымен 2023 жылдың 12 мамыр күні информатика пәнін оқытуда педагогтердің практикалық және пәндік құзыреттіліктерін арттыру, тәжірибе алмасу мақсатында педагогтер Тараз қаласы, Ә.Бөкейханов атындағы №1 гимназиясының 9-10 сыныптарында ашық сабақтар өткізді.
Іс-шара барысында информатика пәнін оқытуда тиімді әдістер мен білім беру платформаларын пайдаланудың ерекшеліктері талқыланып, Тараз қаласының педагогтері «Кейіпкерлерді анимациялау. Спрайттарды жасау», «Python. Pygame. Анимирование персонажей», «Blockchain технологиясы», «Құрылымдалған сұраныстар» тақырыптарында сабақтар көрсетіп, іс-тәжірибелерімен бөлісті.
Ашық сабақтарға 38 педагог, 51 оқушы қатысты.

Қала және ауыл мектептері арасындағы ағылшын тілін оқыту сапасындағы алшақтықты азайтудың тиімді жолдары» атты республикалық семинар өтті

Жамбыл облысы әкімдігі білім басқармасының оқу-әдістемелік кабинеті мен М.Х.Дулати атындағы Тараз өңірлік университетінің ұйымдастыруымен 2023 жылдың 11 мамыр күні қалалық және ауылдық мектептерде ағылшын тілін оқыту сапасындағы алшақтықты азайту, Қазақстан жоғары оқу орындарының ғылыми-білім беру консорциумын құру, ағылшын тілі пәнін оқытудың өзекті мәселелерін шешуге және білім сапасын арттырудың ұтымды жолдарын айқындауға жұмылдыру мақсатында ағылшын тілі пәнінің мұғалімдеріне республикалық семинар өтті.
"Тілдік білім беру ортасын құру технологиялары қалалық және ауылдық мектептердегі оқыту сапасы арасындағы алшақтықты азайту құралы ретінде", «Ауыл мектептерінде ағылшын тілін оқытуда CLIL технологияны қолдану», «Диалогтік оқыту және айтылу дағдылары арқылы ауыл мектебі оқушыларының ағылшын тілі сабағына қызығушылығын арттыру жолдары», "STEAM технологиясын қолдану жағдайында жоғары сынып оқушыларының коммуникативтік құзыреттіліктерін қалыптастыру", «Ағылшын тілін оқытудың тиімді әдіс-тәсілдері мен заманауи үрдістері арқылы ауыл мен қала мектептері сапасындағы алшақтықты төмендету» тақырыптары аясында ағылшын тілін меңгертуде білім алушылардың жас ерекшелігін ескере отырып, оқулықтың әдістемелік кешені туралы тың ақпарттар берілді. Оқушыларға тілдік дағдыларда меңгерту барысында мақсатқа сәйкес тапсырмалардың тиімділігі туралы пікірлер ұсынылды.
Республикалық семинарға 62 педагог қатысты.

Жамбыл облысы әкімдігінің білім басқармасы Жамбыл облысы әкімдігінің туризм басқармасының «Тараз-Туризм» туристік ақпараттық орталығымен бірлесіп, 2023 жылдың 6 сәуір мен 12 мамыр аралығында әр аптаның сейсенбі, бейсенбі күндері Тараз қаласының 7-8 сынып оқушыларына арналған туристік экскурсияларын өткізді.
Экскурсия барысында оқушылар Тараз қаласындағы «Көне Тараз» ашық аспан астындағы тарихи-археологиялық мұражайы – «Тектұрмас» тарихи кешені, «Қарахан» кесенесі - «Қали Жүніс моншасы» - «Қазақ хандығына 550 жыл» монументі – «Айша Бибі» кесенесі - «Бабажы қатын» кесенесі, Қазфосфат ҚДФЗ-на (химия сабағына қатысу), басқа да тарихи маңызы бар орындарға барып, өз жерінің тарихымен танысып, рухани білім алды.
Аталаған экскурсияға ағымдағы жылдың 6 сәуір мен 12 мамыр күндері 500 оқушы қамтылды.

ТАЛАС АУДАНЫ БІЛІМ БЕРУ ҰЙЫМДАРЫНА ӘДІСТЕМЕЛІК КӨМЕКТЕР КӨРСЕТІЛДІ

2023 жылдың 17 сәуірінде Жамбыл облысы әкімдігі білім басқармасының оқу-әдістемелік кабинетінің әдіскерлері Талас ауданының Мағжан Жұмабаев атындағы орта мектебінің әкімшілігі мен педагогтеріне ақпараттық-әдістемелік көмек көрсетті.
Іс-шара барысында білім мекемелерінің мемлекеттік аттестаттаудан өтудің бағалау өлшемшарттарының сапалы орындалуы бойынша білім беру ұйымдарының жұмыстық оқу жоспарларының үлгілік оқу жоспарларына, сабақ кестесіне сәйкестендірілуі, педагогтердің бейінін сәйкестендіру мен біліктілік курстарынан өтуі, мектепке дейінгі тәрбие мен оқыту бойынша өзін-өзі бағалауы, ерекше білім беру қажеттіліктері бар білім алушылар үшін жеке оқу жоспарларының құрылуы, инвариантты компоненттің оқу жылына арналған сабақ кестесіне сәйкестендірілуі, үйірме жұмыстарының жүйелі ұйымдастырылуы, «Өмір қауіпсіздігінің негіздері», «Жолда жүру ережелері» оқу курстары мазмұнының орындалуы, «Күнделік» журналының талапқа сай толтырылуы бойынша жұмыстар жүргізіліп, әдістемелік ұсынымдар берілді.