«Тілдік дағдыларды игеруде функционалдық сауаттылықты дамыту» тақырыбында облыстық шеберлік сынып өтті

            2021 жылдың 19 наурыз күні  «Үздік педагог шеберханасы: Ізденіс. Тәжірибе. Нәтиже»  жобасының аясында «Үздік педагог-2013» байқауының жеңімпазы, Меркі ауданы, И.Трубицын  атындағы мектеп-гимназиясының қазақ тілі мен әдебиеті пәнінің мұғалімі Н.Бектіғұлованың  «Тілдік дағдыларды игеруде функционалдық сауаттылықты дамыту» тақырыбында облыстық шеберлік сыныбы  өткізілді.

Іс-шара барысында Н.Бектіғұлова «Ұстаз – ұлы есім»  бейнетаспасымен, педагогикалық электронды портфолиосының мазмұнымен, оқушылардың функционалдық сауаттылығын қалыптастыру қағидасы, тілдік дағдыларды қалыптастыру жолдары мен тілді меңгертудің тиімді әдіс-тәсілдері, қазақ тілін деңгейлеп оқытудың басты ұстанымдары туралы іс-тәжірибесімен бөлісті.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 110 педагог қатысты.

«Оқыту мен оқудағы креактивтілік»  тақырыбында облыстық шеберлік сынып өтті

19 ақпанда «Үздік педагог шеберханасы: Ізденіс. Тәжірибе. Нәтиже»  жобасының аясында «Үздік педагог-2019» байқауының жеңімпазы, облыстық ерекше дарынды балаларға арналған «Дарын» мектеп-интернатының математика пәнінің мұғалімі М.Д.Талқанбаевтың «Оқыту мен оқудағы креактивтілік»  тақырыбында облыстық шеберлік сынып  өткізілді.

Іс-шара барысында М.Д.Талқанбаев «Менің жүрегімнің мектебі» бейнетаспасымен, электрондық портфолиосының мазмұны мен шығармашылық тақырыбы аясында жинақталған іс-тәжірибесімен бөлісті. Шеберлік сынып барысында оқыту практикасы үшін математикалық сауаттылықтың моделіне, халықаралық PISA зерттеуінің тапсырмаларында кездесетін математикалық сауаттылық аспектілеріне, сабаққа арналған тапсырмаларды іріктеуге және оқыту мен оқудағы креативтілікті дамытуға ықпал ететін жағдайлар мен креативтіліктің деңгейлеріне, ойлау техникаларына тоқталып, іс-тәжірибеде пайдалану жолдары қарастырылды.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар,  жалпы                           212 педагог қатысты.

         Жамбыл облысы әкімдігі білім басқармасының оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері мен қазақ тілі мен әдебиеті пәнінің мұғалімдеріне 2021 жылдың 24 ақпанында мемлекеттік жалпыға міндетті білім беру стандартында қарастырылған білім алушылардың оқу пәндерінің көлемін меңгеру дәрежесін анықтау мақсатында жүргізілетін үдеріс - білім алушыларды қорытынды аттестаттау емтиханының сипаттамалары мен талаптарын меңгерту мақсатында «9 сыныптарда қазақ тілі мен әдебиеті                   (Т1, Т2) пәні бойынша қорытынды аттестаттауды ұйымдастыру, өткізу және бағалау ерекшеліктері» тақырыбында облыстық онлайн семинар өтті.

 Іс-шара барысында Білім алушыларды қорытынды аттестаттау материалдарын дайындау кезеңдері (пәндер бойынша тест спецификацияларына шолу, емтихан материалдарына қойылатын талаптар, емтихан материалдарының мазмұны, бағалау міндеттері, балдардың үлестірілуі, емтихан жұмысы үшін балдар мен бағаларды қою үдерісі, тапсырма түрлерімен(ашық және жабық типті тапсырмалар) танысып,  тапсырмаларды тиімді ұйымдастыру жолдарын ұсынды.

    Облыстық онлайн семинарға аудандар мен Тараз қалалық білім бөлімдерінен 284 педагог қатысты. 

«Қашықтықтан оқыту  жағдайында  тәрбие жұмысын тиімді ұйымдастыру»  тақырыбында  онлайн  режимінде облыстық  вебинар өтті

2021 жылдың 5 ақпан  күні директордың  тәрбие  ісі   жөніндегі  орынбасарларына,  сынып жетекшілерге  арналған  «Қашықтықтан оқыту  жағдайында  тәрбие жұмысын тиімді ұйымдастыру» тақырыбында  онлайн  режимінде  облыстық   вебинар өтті.  Аталған іс-шараға барлығы  157  педагог  қатысты.  

Вебинарға қатысушылар тәрбиенің басым бағыттары бойынша жүргізілетін  жұмыстарды  ұйымдастыру  бойынша  әдістемелік көмектер  алды, тиімді әдіс-тәсілдері жайлы ой бөлісті, тәжірибе  алмасты  және таратпалы материалдармен  қамтамасыз  етілді.