БАСТЫ БЕТ

ЖЕТЕКШІ МЕКТЕПТЕРМЕН ЖӘНЕ НЫСАНАЛЫ МЕКТЕПТЕРМЕН ОБЛЫСТЫҚ СЕМИНАР ӨТТІ

Жамбыл облысы әкімдігінің білім басқармасының оқу-әдістемелік орталығы мен Педагогикалық шеберлік орталығының Тараз қаласындағы филиалының бірлескен жылдық жұмыс жоспарына сәйкес 2024 жылдың 13 қыркүйек күні «Жетекші мектеп инновациялық процестер алаңы ретінде», «Мектеп тренері: мектепішілік оқытуды ұйымдастырудың тиімді тәсілдері» тақырыптарында облыстық семинар өткізді.

Іс-шараға нысаналы мектептердің басшылары, жетекші мектептердің үйлестірушілері мен директорларының орынбасарлары, мектеп тренерлері, барлығы 100 адам қатысты.

Облыстық семинар жұмысы барысында Жамбыл облысы әкімдігінің оқу-әдістемелік орталығының «Педагогикалық менеджмент және білім сапасын басқару» бөлімінің жетекшісі Ғ.Омарбекова «Білім сапасын арттыру бағытында инновациялық тәсілдерді енгізу жолдары», ПШО директоры Г.Тортаева «Жетекші мектептің жұмысы: мақсат және міндеттер», аға оқытушылары Ш.Альтаева және А.Жұрынова «Жетекші мектеп инновациялық процестер алаңы ретінде», «Мектеп тренері: мектепішілік оқытуды ұйымдастырудың тиімді тәсілдері» тақырыптарында баяндама оқыды.

Қатысушыларға өткен оқу жылында атқарылған жұмыстың қорытындысы туралы, 2024-2025 оқу жылында жетекші мектептердің серіктес мектептермен және нысаналы мектептермен жүргізілетін инновациялық жұмыс бағыттары бойынша әдістемелік көмек көрсетіліп, өзара тәжірибе алмасты.

«Мақсатты мектептер» жобасы аясында бастауыш сынып мұғалімдері үшін «Функционалдық сауаттылық – сапалы білім берудің кепілі» тақырыбында семинар-практикум өтті

Облыстық оқу-әдістемелік орталығының ұйымдастыруымен 2024 жылдың 12 қыркүйек күні Тараз қаласы, Төле би атындағы №8 гимназиясының базасында «Функционалдық сауаттылық – сапалы білім берудің кепілі» тақырыбында семинар-практикум өтті.

Іс-шараға Тараз қаласы, Байзақ, Жамбыл, Жуалы, Талас аудандарының бастауыш сынып мұғалімдері (104 педагог) офлайн форматта, Қордай, Шу аудандарының бастауыш сынып мұғалімдері (165 педагог) онлайн форматта, барлығы 269 педагог қатысты.

Аталған іс-шара барысында «Мақсатты мектептер» жобасына енген білім беру мекемерелердің бастауыш сынып мұғалімдері функционалдық сауаттылықты арттыруға бағытталған тапсырмаларды талдай отырып, тұтас, аралас, дискретті, құрамдас мәтіндермен жүргізілетін жұмыс түрлері, математикалық нысандарды тану, ақпараттың түрлі формасы арасында байланыс орнату, STEM-білім берудің артықшылықтары, табиғи құбылыстарды бақылау және өмірмен байланысты зерттеу тапсырмаларын ұсыну, сонымен қатар жасанды интеллектті ұтымды пайдалану жолдары бойынша тәжірибе алмасып, электронды таратпалы материалдармен қамтамасыз етілді.

ЖАМБЫЛ АУДАНЫНЫҢ МЕКТЕПКЕ ДЕЙІНГІ ҰЙЫМ ӘДІСКЕРЛЕРІНЕ АРНАЛҒАН ТҮСІНДІРУ СЕМИНАРЫ ӨТТІ
Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 10 қыркүйек күні «Жаңа оқу жылында мектепке дейінгі ұйымдарда, мектепалды сыныптарда тәрбиелеу-білім беру процесін ұйымдастыру ерекшеліктері» тақырыбында Жамбыл ауданының мектепке дейінгі ұйым әдіскерлеріне арналған түсіндіру семинары жүргізілді.
Іс-шара барысында 2024-2025 оқу жылында мектепке дейінгі ұйымдары мен мектепалды сыныптарында тәрбиелеу-білім беру процесін ұйымдастырудың ерекшеліктері, нормативтік құқықтық актілер, мектепке дейінгі ұйымдарда мерекелік шараларды ұйымдастыру, мектепке дейінгі тәрбиемен және оқытумен қамтылмаған балалардың ата-аналары үшін білім беру ұйымдарында консультациялық пункттер жұмысын ұйымдастыру, бастауыш сынып мұғалімі жеке оқыту траекториясын анықтау үшін мектепалды топтары мен сыныптары балаларының Жеке даму картасын толтыру, «Біртұтас тәрбие» бағдарламасының іске асырылу жолдары, цифрландыру жағдайында білім беру процесінің ұйымдастырылу ерекшеліктері бойынша ұсынымдар берілді.
Іс-шараға 42 мектепке дейінгі ұйым әдіскерлері қатысты.

БІЛІМ БӨЛІМДЕРІНІҢ МЕКТЕПКЕ ДЕЙІНГІ ТӘРБИЕ МЕН ОҚЫТУҒА ЖАУАПТЫ ӘДІСКЕРЛЕРІНЕ ОБЛЫСТЫҚ ВЕБИНАР ӨТТІ
Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 10 қыркүйек күні «2024-2025 оқу жылындағы мектепке дейінгі ұйымдарда, мектепалды сыныптарда тәрбиелеу-білім беру процесінің ұйымдастыру ерекшеліктері» тақырыбында білім бөлімдерінің мектепке дейінгі тәрбие мен оқытуға жауапты әдіскерлеріне арналған облыстық вебинар өтті.
Іс-шара барысында 2024-2025 оқу жылында мектепке дейінгі ұйымдары мен мектепалды сыныптарында тәрбиелеу-білім беру процесін ұйымдастырудың ерекшеліктері, нормативтік құқықтық актілер, мектепке дейінгі тәрбиемен және оқытумен қамтылмаған балалардың ата-аналары үшін білім беру ұйымдарында консультациялық пункттер жұмысын ұйымдастыру, бастауыш сынып мұғалімі жеке оқыту траекториясын анықтау үшін мектепалды топтары мен сыныптары балаларының Жеке даму картасын толтыру, құзыреттілік орталықтары мен мобильді топтардың жұмысын ұйымдастыруда әдістемелік қамтамасыз ету, «Біртұтас тәрбие» бағдарламасының іске асырылу жолдары, цифрландыру жағдайында білім беру процесінің ұйымдастырылу ерекшеліктері бойынша ұсыныстар мен тапсырмалар берілді.

НЫСАНАЛЫ МЕКТЕПТЕРГЕ ЖАУАПТЫ ӘДІСКЕРЛЕРІМЕН ОБЛЫСТЫҚ СЕМИНАР ӨТТІ

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 29 тамызында нысаналы мектептерді дамыту жобасы аясында «Нысаналы мектептерді дамыту арқылы білім беру сапасын арттыру жөніндегі жұмысты ұйымдастыру» тақырыбында облыстық семинар өтті.

Іс-шараға облыстық оқу-әдістемелік орталықтың басшысы мен әдіскерлері, аудандар мен Тараз қалалық білім бөлімдерінің нысаналы мектептер бойынша жауапты әдістемелік кабинеттерінің меңгерушілері, әдіскерлері, «Өрлеу» БАҰО АҚ Жамбыл облысы бойынша біліктілікті арттыру кәсіби институтының өкілдері, барлығы 100 адам қатысты.

Облыстық семинар жұмысында 2024-2025 оқу жылында «943-еліміздегі мақсатты мектептерді дамыту» жобасы, жобалық кеңсенің жоспарланған іс-шаралары, нысаналы мектептердің жеке портреттері мен жұмыс жоспарларын жүзеге асыру, нысаналы мектептерге жауапты әдіскерлердің жұмыс жоспары, әдіскерлердің қолдауымен мақсатты мектептерді дамытудың траекториясы мен құралдары, жобаны іске асыру шеңберіндегі бақылау мен мониторинг қызметі бойынша қатысушыларға ақпараттық-әдістемелік көмектер беріліп, мектептердің жеке порттреттерін жасақтау бойынша жауапты әдіскерлерге ақпараттық-әдістемелік көмектер берілді.